Нашр шуд: 17 Феврали 2014

Диданд: 1120

Душанбе, 17-уми феврали соли 2014. Дар таърихи 17-уми феврал бо иштироки мутахассисони Маркази миллии тестии назди Президенти Ҷумҳурии Тоҷикистон дар мактаб-интернати таҳсилоти миёнаи умумии ҷумҳуриявии тамоюли варзишии ба номи Иброҳим Ҳасанов, ки дар шаҳри Душанбе воқеъ аст, семинар баргузор гардид. Муовини аввали ММТ Б.Менглиев ва сардори шуъбаи тақсимот ва ҷобаҷогузории донишҷӯён дар МТОК-и Марказ М.Шодиев ба хонандагони мактаб-интернат, ҳайати омӯзгорон дар мавриди низом ва равиши имтиҳонҳои марказонидаи дохилшавӣ маълумот доданд. 

Нашр шуд: 13 Феврали 2014

Диданд: 1374

Бо мақсади дуруст ба роҳ мондани корҳои фаҳмондадиҳӣ ва то ба хатумкунандаҳо (довталаб) расонидани моҳият ва муҳтавои низоми нави имтиҳонҳои марказонидаи дохилшавӣ (ИМД) ба муассисаҳои таҳсилоти олии касбӣ (МТОК)-и Ҷумҳурии Тоҷикистон Маркази миллии тестӣ намунаи гушаи иттилоотии “Давраҳои асосии низоми ИМД ба МТОК-и Ҷумҳурии Тоҷикистон”-ро таҳия намуд. Гушаи иттилоотӣ аз 10 давраҳои асосии татбиқи низом иборат буда, ҳар як давра бо ишора ва иттилооти мухтассар дарҷ гардидааст.

Гушаи иттилоотӣ барои муассисаҳои таҳсилоти миёнаи умумӣ, миёнаи касбӣ ва ибтидоии касбӣ тавсия дода шуда ба хатмкунандагон имконият медиҳад, ки ҳамарӯза аз давраҳои асосии низом ошноӣ пайдо намоянд.

Нашр шуд: 13 Феврали 2014

Диданд: 1032

 Душанбе, 13-уми феврали соли 2014. Нуқтаҳои бақайдгирии довталабон барои иштирок дар имтиҳонҳои марказонидаи дохилшавӣ (ИМД) ба муассисаҳои таълимии таҳсилоти олии касбии Ҷумҳурии Тоҷикистон дар соли 2014 муайян гардида, рӯйхати онҳо бо фармоиши вазири маориф ва илми ҷумҳурӣ Нуриддин Саидов тасдиқ шуд. 

Тибқи фармоиши вазир дар маҷмӯъ 20 нуқтаи бақайдгирӣ дар 11 шаҳру ноҳияи кишвар, аз ҷумла, дар шаҳри Душанбе ва ноҳияҳои тобеи ҷумҳурӣ 7 нуқта, дар вилояти Суғд 6 нуқта, дар вилояти Хатлон 6 нуқта ва дар ВМКБ 1 нуқта барои сабти номи довталабони муассисаҳои таҳсилоти олии касбии ҷумҳурӣ муайян шудааст.

Ёдовар мешавем, ки 1-уми март давраи бақайдгирии довталабони муассисаҳои таҳсилоти олии кишвар оғоз шуда, то 15-уми апрели соли ҷорӣ идома меёбад.

Нашр шуд: 10 Феврали 2014

Диданд: 1095