Нашр шуд: 02 Марти 2026

Диданд: 828

Душанбе, 2-юми марти соли 2026

​2-юми март давраи як­ум (асосӣ)-и бақайдг­ирии довталабон барои иштирок дар имтиҳо­нҳои марказонидаи до­хилшавӣ ​ ба муассис­аҳои таълимии таҳсил­оти миёна ва олии ка­сбии Ҷумҳурии Тоҷики­стон (ИМД) оғоз шуд.​ Тибқи тартиби муқ­арраргардида Маркази миллии тестии назди Президенти Ҷумҳурии Тоҷикистон (Марказ) давраи якуми бақайд­гирии (номнависии) довталабонро барои иш­тирок дар ИМД дар ну­қтаҳои доимӣ ва сайё­ри бақайдгирии шаҳру ноҳияҳои интихобшуд­аи ҷумҳурӣ ба роҳ ме­монад.

Нашр шуд: 01 Марти 2026

Диданд: 850

Душанбе, 1-уми марти соли 2026

Маркази миллии тестӣ ба таваҷҷуҳи шахсони хоҳишманди таҳсил дар муассисаҳои таълимии таҳсилоти миёна ва олии касбӣ мерасонад, ки давраи якум (асосӣ)-и бақайдгирии довталабон барои иштирок дар ИМД дар соли 2026 аз 2-юми марти соли 2026 оғоз мегардад. Хоҳишмандонро зарур аст, ки барои аз қайд гузаштан бо ҳуҷҷатҳои зарурӣ то 28-уми апрели соли равон ба яке аз нуқтаҳои бақайдгирии барояшон мувофиқ муроҷиат кунанд.

Маълумоти муфассал дар сомонаи Марказ 2-юми марти соли 2026 ҷойгир карда мешавад.

Нашр шуд: 26 Феврали 2026

Диданд: 2253

Душанбе, 26-уми феврали соли 2026

Маркази миллии тестии назди Президенти Ҷумҳурии Тоҷикистон ба таваҷҷуҳи шахсоне, ки барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2026 аз қайд гузаштан мехоҳанд, мерасонад, ки дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонӣ барои довталабон дар имтиҳонҳои мазкур муқаррар карда шуд.

Нашр шуд: 25 Феврали 2026

Диданд: 1242

Душанбе, 25-уми феврали соли 2026

Маркази миллии тестии назди Президенти Ҷумҳурии Тоҷикистон ба таваҷҷуҳи довталабон ва алоқамандони имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) мерасонад, ки бо фармоиши вазири маориф ва илми Ҷумҳурии Тоҷикистон рӯйхати муассисаҳои таълимӣ ва сохторҳои мақомоти маҳаллии идоракунии маориф, ки дар заминаи онҳо барои бақайдгирии довталабон ҷиҳати иштирок дар ИМД 2026 нуқтаҳои бақайдгирӣ ташкил карда мешавад, тасдиқ гардид.