Душанбе, 16-уми ноябри соли 2026
16-уми ноябри соли 2026 дар дафтари асосии Маркази миллии тестии назди Президенти Ҷумҳурии Тоҷикистон ба муносибати Рӯзи Президенти Ҷумҳурии Тоҷикистон ҷаласаи тантанавӣ баргузор гардид.
Дар он директори Маркази миллии тестии назди Президенти Ҷумҳурии Тоҷикистон Ҷаъфарзода Сабзалӣ Файзалӣ, сардорони воҳидҳои сохторӣ ва дигар кормадони Марказ иштирок намуданд.
Ҷаласа бо садо додани Суруди миллӣ ва сухани табрикии директори Маркази миллии тестии назди Президенти Ҷумҳурии Тоҷикистон Ҷаъфарзода Сабзалӣ Файзалӣ оғоз шуд.
Ҷаъфарзода С. Ф. зикр кард, ки 16-уми ноябри соли 1992 Иҷлосияи шонздаҳуми Шурои Олии Ҷумҳурии Тоҷикистон ба кор оғоз кард. Рӯзи 19-уми ноябр вакилон муҳтарам Эмомалӣ Раҳмонро Раиси Шурои Олӣ интихоб карданд. Роҳбари тозаинтихоби давлат барои гуфтугӯи касоне роҳ кушоданд, ки ҷанг онҳоро аз ҳам ҷудо карда буд. Барои бисёр хонаводаҳо маънои сулҳ он рӯзҳо дар ҳамин умед буд, ки дари хона боз мешавад ва азизи деринтизорашон сиҳату саломат ба остона қадам мегузорад.

Ду сол пас, 16-уми ноябри соли 1994, муҳтарам Эмомалӣ Раҳмон бори нахуст ҳамчун Президенти Ҷумҳурии Тоҷикистон дар назди халқ савганд ёд карданд. Даҳ сол пеш, соли 2016, ба Қонуни Ҷумҳурии Тоҷикистон «Дар бораи рӯзҳои ид» илова ворид шуд ва барои таҷлили Рӯзи Президенти Ҷумҳурии Тоҷикистон маҳз ҳамин сана интихоб гардид.
Савганди Президент бо суханони «ба халқ содиқона хизмат менамоям» анҷом меёбад. Дар он солҳои сахт мардум аз Сарвари давлат пеш аз ҳама сулҳро интизор буданд. 27-уми июни соли 1997, пас аз музокироти тулонӣ, Созишномаи умумии истиқрори сулҳ ва ризоияти миллӣ дар Тоҷикистон ба имзо расид.
Мо ба хидмати таърихии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар хотима бахшидан ба ҷанг ва ба Ватан баргардондани ҳамватанони гуреза арҷ мегузорем. Дар ин рӯз аз мардуме низ бо эҳтиром ёд мекунем, ки оилаҳои аз ғурбат баргаштаро пешвоз гирифтанд, дар обод кардани хонаҳои хароб ба онҳо дасти ёрӣ доданд ва кӯдаконро аз нав ба мактаб оварданд.
Хидмат ва саҳми Президенти Ҷумҳурии Тоҷикистон муҳтарам Эмомалӣ Раҳмон дар тамоми соҳаҳои ҳаёти халқ – дар пойдории сулҳу субот, амну оромӣ, иқтисоду иҷтимоъ, илму маорифу фарҳанг, рушди ҳамаҷиҳатаи мамлакат, таъмини пояҳои истиқлоли кишвар ва ғайра хеле афзуну назаррас аст.

Ба Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саломатии бардавом ва дар хидмат ба халқу Ватан комёбиҳо орзу менамоям. Ба ҳар кадоми шумо низ, ҳамкорони гиромӣ, тандурустӣ, осоиши рӯзгор ва ифтихор аз самари меҳнататонро таманно дорам. Бигзор, гирди дастархони ҳар хонадони Тоҷикистон азизон бо ҳам ҷамъ бошанд ва падару модарон аз фардои фарзандонашон бо дили пур аз итминону фараҳу умед сухан гӯянд, – зикр кард директори Марказ Ҷаъфарзода С. Ф.
Дар идома сармутахассиси фанни таърихи раёсати таҳияи маводди имтиҳонии Марказ Аминзода Шамсулло суханронӣ карда, таъкид кард, ки бо ворид намудани тағйироту иловаҳо ба Қонуни Ҷумҳурии Тоҷикистон «Дар бораи рӯзҳои ид» аз 14-уми майи соли 2016 ҳамасола 16-уми ноябр ҳамчун Рӯзи Президенти Ҷумҳурии Тоҷикистон ҷашн гирифта мешавад. Маҳз ин санаро ҳамчун Рӯзи Президенти Ҷумҳурии Тоҷикистон муайян кардани мақомоти қонунгузории кишвар рамзӣ аст, зеро он дар хотираи таърихи миллати тоҷик аз чанд ҷиҳат тақдирсоз, созанда, хотирмон ва фаромӯшнашаванда мебошад.







