Нашр шуд: 10 Июни 2024

Диданд: 6548

Душанбе, 7-уми июни соли 2024

Ба таваҷҷуҳи шахсони хоҳишманди иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2024, ки худро дар давраи якум (асосӣ)-и бақайдгирӣ (аз 1-уми март то 2-юми май) номнавис карда натавонистаанд, расонида мешавад, ки давраи дуюми бақайдгирии довталабон барои иштирок дар имтиҳонҳои мазкур аз 10-ум то 30‑юми июн аст.

Нашр шуд: 06 Июни 2024

Диданд: 15460

Душанбе, 1-уми июни соли 2024

Бо мақсади роҳнамоии довталабоне, ки дар давраи якум (асосӣ)-и бақайдгирӣ (аз 1-уми март то 2-юми май) барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2024 аз қайд гузаштаанд, Маркази миллии тестии назди Президенти Ҷумҳурии Тоҷикистон рӯйхати муассисаҳои таълимиеро, ки дар заминаи онҳо марказҳои имтиҳонӣ барои баргузории имтиҳонҳои мазкур ташкил карда мешаванд, дар сомонаи худ ҷойгир кард.

Нашр шуд: 20 Майи 2024

Диданд: 12845

Душанбе, 20-уми майи соли 2024

20-уми майи соли 2024 дар Донишгоҳи аграрии Тоҷикистон ба номи Шириншоҳ Шоҳтемур марҳилаи якуми озмуни довталабон барои дарёфти Стипендияи байналмилалии Президенти Ҷумҳурии Тоҷикистон “Дурахшандагон” доир гардид.

Нашр шуд: 17 Майи 2024

Диданд: 16740

Душанбе, 17-уми майи соли 2024

Гурӯҳи кории Маркази миллии тестии назди Президенти Ҷумҳурии Тоҷикистон барои иҷрои яке аз вазифаҳои оинномавии худ – иштирок дар барномаҳои байналмилалии арзёбии дониши хонандагон ва ташкили мониторинг ва арзёбии сифати таҳсилот, дар ҳамкорӣ бо Вазорати маориф ва илми Ҷумҳурии Тоҷикистон ва Маркази ҳамкориҳои байналмилалӣ оид ба рушди маориф (CICED)-и Федератсияи Росия рӯзҳои 16-ум ва 17-уми моҳи майи соли 2024-ум дар байни хонандагони синфи 4-уми муассисаҳои таълимии таҳсилоти миёнаи умумии шаҳри Душанбе озмоиши “Абзори мониторинги дастовардҳои таълимии хонандагон” (SAM)-ро аз фанҳои математика, забони русӣ, малакаҳои асри ХХI ва дар байни хонандагони синфҳои 8, 9 ва 10-ум озмоиши абзори андозагирии салоҳиятҳои технологияҳои иттилоотӣ ва коммуникатсиониро (ба таври бархат – онлайн) гузаронд.