Душанбе, 1‑уми июли соли 2026
Ба таваҷҷуҳи довталабони дар давраи якуми бақайдгирӣ (аз 2-юми март то 30-юми апрел) барои иштирок дар ИМД 2026 номнависшуда мерасонем, ки агар Шумо дар давраи дуюми бақайдгирӣ (аз 10-ум то 30-юми июн) аз нав худро ба қайд гирифта бошед, яъне дар давраи дуюми бақайдгирӣ интихобҳоятонро иваз карда бошед, Шумо бояд имтиҳонҳро дар даври дуюм (15-уми июл) супоред.
Аз ин лиҳоз, чунин довталабон, новобаста аз дастрас кардани даъватномаи бақайдгирии давраи якум, ба даври якуми имтиҳон, ки аз 1-ум то 9-уми июл баргузор мегардад, набояд нараванд.
Даъватномаҳои нави ин довталабон тибқи маълумоти давраи дуюми бақайдгирӣ аз 6-уми июл омода карда мешаванд ва онҳо метавонанд даъватномаҳои худро аз 6-ум то 8-уми июл аз маконе, ки дар варақаи бақайдгирии давраи дуюми номнависӣ нишон дода шудааст, дастрас кунанд. Ба довталабони мазкур паёмакҳои дахлдор низ тибқи маълумоти давраи дуюми бақайдгирӣ аз нав фиристода мешаванд. Ин довталабон бояд аз кабинетҳои инифродии нави худ, ки баъди номнависияшон дар давраи дуюми бақайдгирӣ фаъол шудааст, истифода намоянд. Яъне, барои воридшавӣ ба кабинети инфиродӣ бояд аз рақами назоратӣ ва рамзи муваққатие, ки дар варақаи бақайдгирии давраи дуюми номнависии довталаб нишон дода шудааст, истифода карда шавад.
Ба ин гуна довталабон тавсия медиҳем, ки барои роҳнамоӣ оид ба ин масъалаҳо пешакӣ бо Марказ (224 53 73) дар тамос шаванд.
