Нашр шуд: 20 Сентябри 2024

Диданд: 1559

Душанбе, 20-уми сентябри соли 2024

Бо мақсади роҳнамоии довталабоне, ки дар давраи сеюми бақайдгирӣ (аз 2-ум то 15-уми сентябри соли 2024) барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2024 аз қайд гузаштаанд, Маркази миллии тестии назди Президенти Ҷумҳурии Тоҷикистон рӯйхати муассисаҳои таълимиеро, ки дар заминаи онҳо марказҳои имтиҳонӣ барои баргузории даври сеюми имтиҳонҳои мазкур ташкил карда мешаванд, дар сомонаи худ ҷойгир кард.

Нашр шуд: 16 Сентябри 2024

Диданд: 1593

Душанбе, 16-уми сенятбри соли 2024

Ба таваҷҷуҳи довталабони дар давраи сеюми бақайдгирӣ барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон номнависшудае, ки  ба гурӯҳҳои соҳибимтиёз дар имтиҳонҳои мазкур дохиланду то ҳол дар ин бора ҳуҷҷати тасдиқкунандаро пешниҳод накардаанд, расонида мешавад, ки муҳлати пешниҳоди чунин ҳуҷҷатҳо то 20-уми сентябр муқаррар гардидааст. Таъкид мекунем, ки пас аз оғоз шудани корҳо барои эълони натиҷаҳо (баъд аз 20-уми сентябр) ворид кардани ҳар тағйироте ба маълумоти бақайдгирии довталаб баъзе аз равандҳои дигари имтиҳонҳоро халалдор месозад.

Нашр шуд: 14 Сентябри 2024

Диданд: 1040

Душанбе, 14-уми сентябри соли 2024

12-уми сентябри соли 2024 ҷаласаи онлайнии намояндагони Вазорати маориф ва илм ва Маркази миллии тестӣ бо коршиносони PIRLS (Progress in International Reading Literacy Study – Таҳқиқоти байналмилалии пешрафти саводи хондан), ки Анҷумани байналмилалии арзёбии пешрафти таҳсилӣ (International Association for the Evaluation of Educational Achievement – IEA), Коллеҷи Бостон (Boston College), Парки мусалласи таҳқиқотӣ дар Каролинаи шимолӣ (Research Triangle Park)-ро намояндагӣ мекунанд, баргузор гардид.

Нашр шуд: 06 Сентябри 2024

Диданд: 1097

Душанбе, 6-уми сентябри соли 2024

6-уми сентябри соли 2024 дар толори Маркази миллии тестии назди Президенти Ҷумҳурии Тоҷикистон ба муносибати 33-юмин солгарди Истиқлолияти давлатии Ҷумҳурии Тоҷикистон бо иштироки кормандони Марказ ҷаласаи тантанавӣ баргузор гардид.