Тел: (+99237) 224-53-68, E-mail: office@ntc.tj
- Диданд: 1206
Душанбе, 1-уми июни соли 2021
Сифати таҳсилот яке аз масъалаҳои муҳимтарини соҳаи маорифи кишвар ба ҳисоб рафта, ҳамеша дар мадди назари Президент ва Ҳукумати Ҷумҳурии Тоҷикистон қарор дорад. Маркази миллии тестии назди Президенти Ҷумҳурии Тоҷикистон низ пайваста барои тарғибу ташвиқи бештари донишандӯзӣ, ки яке аз омилҳои баланд бардоштани сифати таҳсилот аст, кӯшиш мекунад. Марказ дар ҳамин робита ва бо мақсади дастгирии иҷтимоӣ, баланд бардоштани ҳисси худшиносию ватандӯстии ҷавонон ва ҳавасмандсозии онҳо, аз ҷумла ҳар сол даҳгонаи беҳтарини довталабонро дар ИМД, ки аз рӯйи дастовардҳо – холҳои бадастовардаашон дар ҷойи аввал қарор мегиранд ва тибқи рейтинги ҳамгиро (интегралӣ) аз ҳамаи субтестҳо дар имтиҳонҳои номбурда мақоми болотаринро соҳиб мешаванд (номинаи якум), муайян ва қадр менамояд. Марказ тибқи нақшаи чорабиниҳо барои солҳои 2020-2025 оид ба амалигардонии “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон намудани солҳои 2020-2040”, ки бо қарори Ҳукумати Ҷумҳурии Тоҷикистон аз 30-юми июли соли 2020, № 427 тасдиқ гардидааст, довталабонеро, ки аз рӯйи дастовардҳо – соҳиб шуданашон ба шумораи имконпазири ҳадди аксари холҳо аз фанҳои табиатшиносӣ, дақиқ ва риёзӣ (ШИҲАХ) дар доираи гурӯҳи ихтисосҳо аз ҷумлаи беҳтаринҳоянд (номинаи дуюм), низ қадрдонӣ мекунад.
- Диданд: 525
Душанбе, 1-уми июни соли 2021
Дар доираи корҳои омодагӣ барои гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2021 Маркази миллии тестии назди Президенти Ҷумҳурии Тоҷикистон семинарҳои омӯзиширо барои кормандони муваққатӣ: роҳбари маркази имтиҳонӣ, ёвари роҳбари маркази имтиҳонӣ, маъмури калони маркази имтиҳонӣ, маъмури имтиҳони маркази имтиҳонӣ ва бақайдгирандаи маркази имтиҳонӣ доир менамояд.
- Диданд: 750
Душанбе, 17-уми майи соли 2021
Бо мақсади омодагӣ барои гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2021 Маркази миллии тестии назди Президенти Ҷумҳурии Тоҷикистон (минбаъд − Марказ) семинарҳои омӯзиширо барои тренерони кормандони муваққатӣ доир менамояд.
- Диданд: 1219
Душанбе, 6-уми майи соли 2021
Маркази миллии тестии назди Президенти Ҷумҳурии Тоҷикистон хабар медиҳад, ки марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2021‑ум рӯзи 30‑юми апрел ба анҷом расид. Вобаста ба ин, хотиррасон менамоем, ки тибқи тартиби муқарраркардаи Ҳукумати Ҷумҳурии Тоҷикистон маблағи барои хизматрасонӣ дар ИМД пардохтшуда ба шахсони зерин дар чунин ҳолатҳо баргардонида мешавад:
- Диданд: 1728
Душанбе, 20-уми апрели соли 2021
Маркази миллии тестии назди Президенти Ҷумҳурии Тоҷикистон хабар медиҳад, ки барои дохилшавӣ ба Донишкадаи давлатии муносибатҳои байналмилалии Москва бақайдгирии довталабонро оғоз мекунад. Бақайдгирии довталабони мазкур аз 20-ум то 27-уми апрел дар дафтари асосии Маркази миллии тестӣ ва бахшҳои минтақавии он, ки рӯйхати онҳо дар зер оварда шудааст, ба роҳ монда мешавад.
Эълонҳо
Соли рушди сайёҳӣ ва ҳунарҳои мардумӣ
