Тел: (+99237) 224-53-68, E-mail: office@ntc.tj
- Диданд: 1302
Душанбе, 16-уми сенятбри соли 2024
Ба таваҷҷуҳи довталабони дар давраи сеюми бақайдгирӣ барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон номнависшудае, ки ба гурӯҳҳои соҳибимтиёз дар имтиҳонҳои мазкур дохиланду то ҳол дар ин бора ҳуҷҷати тасдиқкунандаро пешниҳод накардаанд, расонида мешавад, ки муҳлати пешниҳоди чунин ҳуҷҷатҳо то 20-уми сентябр муқаррар гардидааст. Таъкид мекунем, ки пас аз оғоз шудани корҳо барои эълони натиҷаҳо (баъд аз 20-уми сентябр) ворид кардани ҳар тағйироте ба маълумоти бақайдгирии довталаб баъзе аз равандҳои дигари имтиҳонҳоро халалдор месозад.
- Диданд: 762
Душанбе, 14-уми сентябри соли 2024
12-уми сентябри соли 2024 ҷаласаи онлайнии намояндагони Вазорати маориф ва илм ва Маркази миллии тестӣ бо коршиносони PIRLS (Progress in International Reading Literacy Study – Таҳқиқоти байналмилалии пешрафти саводи хондан), ки Анҷумани байналмилалии арзёбии пешрафти таҳсилӣ (International Association for the Evaluation of Educational Achievement – IEA), Коллеҷи Бостон (Boston College), Парки мусалласи таҳқиқотӣ дар Каролинаи шимолӣ (Research Triangle Park)-ро намояндагӣ мекунанд, баргузор гардид.
- Диданд: 883
Душанбе, 6-уми сентябри соли 2024
.jpg)
6-уми сентябри соли 2024 дар толори Маркази миллии тестии назди Президенти Ҷумҳурии Тоҷикистон ба муносибати 33-юмин солгарди Истиқлолияти давлатии Ҷумҳурии Тоҷикистон бо иштироки кормандони Марказ ҷаласаи тантанавӣ баргузор гардид.
- Диданд: 784
Душанбе, 4-уми сенятбри соли 2024
Дар Маркази миллии тестии назди Президенти Ҷумҳурии Тоҷикистон ба муносибати 33-юмин солгарди Истиқлолияти давлатии Ҷумҳурии Тоҷикистон маросими супоридани мукофотҳои давлатӣ баргузор гардид.
- Диданд: 725
Душанбе, 3-юми сентябри соли 2024
Маркази миллии тестии назди Президенти Ҷумҳурии Тоҷикистон ба таваҷҷуҳи шахсоне, ки барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон аз қайд гузаштан мехоҳанд, мерасонад, ки Марказ барои беҳтару оснтар кардани сатҳу сифати хизматрасонӣ барои довталабон ва иҷрои фармони Президенти Ҷумҳурии Тоҷикистон “Дар бораи тадбирҳои вусъат додани ҳисоббаробаркунии ғайринақдӣ” минбаъд пардохти маблағи хизматрасониро дар ИМД тавассути Ҷамъияти саҳомии кушодаи “Бонки Эсхата” бо истифодаи барномаи мобилии “Эсхата онлайн” қабул менамояд.
