Душанбе, 14-уми сентябри соли 2016
МАРКАЗИ МИЛЛИИ ТЕСТИИ
НАЗДИ ПРЕЗИДЕНТИ ҶУМҲУРИИ ТОҶИКИСТОН
Эълон дар бораи озмун барои ишғоли вазифа
Маркази миллии тестии назди Президенти Ҷумҳурии Тоҷикистон барои ишғоли вазифаи сардори бахши минтақавии шуъбаи ташкил ва идораи имтиҳон дар шаҳри Хоруғ озмун эълон менамояд.
Талаботи тахассусии сардори бахши минтақавии шуъбаи ташкил ва идораи имтиҳон дар шаҳри Хоруғ.
Сардори бахши минтақавии шуъбаи ташкил ва идораи имтиҳон дар шаҳри Хоруғ барои ба роҳ мондани корҳо дар ВМКБ масъул буда, бояд ба талаботи тахассусии зерин ҷавобгӯ бошад:
- маълумоти олӣ;
- таҷрибаи корӣ дар вазифаҳои роҳбарикунанда (ба соҳаи маориф афзалият дода мешавад);
- таҷрибаи кории на кам аз 3 сол дар идораи чорабиниҳои калонмиқёс;
- доштани сатҳи баланди малакаи шифоҳию хаттии муошират ва гуфтушунид бо гурӯҳҳои мухталифи касбӣ, техникӣ ва умумӣ дар масъалаҳои гуногун;
- қобилияти кор кардан дар фазои тадбирҳои пурзӯри амниятӣ, ки махфӣ нигоҳ доштани маълумот дар он шарти муҳимми фаъолият аст;
- қобилияти ба таври фаврӣ амал кардан ҳангоми гузоштани масъалаҳои таъхирнопазир;
- малакаи озодона ҳарф задан ва навиштан бо забонҳои тоҷикӣ ва русӣ (донистани забонҳои хориҷӣ истиқбол карда мешавад);
- малакаи кор бо компютер, аз ҷумла донистан ва истифода карда тавонистани барномаҳои Ms Word, Ms Excel, Ms Outlook, Ms PowerPoint, шабакаҳои дохили муассисавӣ ва Интернет;
- афзалият ба шахсони то 50-сола дода мешавад.
Озмун тибқи тартиби муқарраргардида доир карда мешавад. Барои иштирок дар озмун хоҳишмандон бояд ариза, нусхаи дафтарчаи меҳнатӣ, маълумотнома оид ба доғи судӣ (ИЦ) ва резюмеи худро бо забонҳои тоҷикию русӣ ба Марказ бо нишонии зерин пешниҳод намоянд:
Маркази миллии тестии назди Президенти Ҷумҳурии Тоҷикистон
734003, ш. Душанбе, хиёбони Рӯдакӣ, 192
Тел.: (+992 37) 224 53 67, 224 53 68
Факс: (+992 37) 224 53 66
Нишонии электронӣ: Этот адрес электронной почты защищен от спам-ботов. У вас должен быть включен JavaScript для просмотра.
Шахси мутасаддӣ: Г. Давлатова
Муҳлати ниҳоии пешниҳоди ҳуҷҷатҳо: 20-уми сентябри соли 2016, то соати 17:00
