Душанбе, 1-уми сентябри соли 2016

Ба диққати довталабоне, ки тибқи натиҷаҳои озмуни тақсимоти такрорӣ (26‑уми августи соли 2016) аз рӯйи комбинатсияи ихтисосҳои аз нав интихобкардаашон комёб гардида буданд, мерасонем, ки муҳлати ҳозиршавии довталабон ба муассисаҳои таълимӣ то 7‑уми сентябри соли 2016 тамдид карда шуд.

Хотирасон менамоем, ки тибқи тартиби муқарраргардида довталабоне, ки тибқи натиҷаҳои озмуни тақсимоти такрорӣ ба ин ё он муассисаи таълимӣ мувофиқи яке аз комбинатсияҳои ихтисосҳои интихобкардаашон тақсим карда шудаанд, бояд на дертар аз 7‑уми сентябр ба муассисаи таълимии таҳсилоти миёна ё олии касбии дахлдор ҳозир шуда, бо пешниҳоди ҳуҷҷатҳои зарурӣ, ки рӯйхати онҳо дар зер оварда мешавад, ба комисияи қабули он муроҷиат намоянд. Дар сурати бо сабабҳои узрнок дар муҳлати муқарраргардида имконнопазир будани ҳозиршавии довталаб ба муассисаи таълимӣ, довталабро зарур аст, ки сари вақт то 7‑уми сентябр муассисаи таълимиро дар ин хусус тавассути намояндаи худ хабардор карда, ҳуҷҷатҳои заруриро пешниҳод намояд, дар ғайри ин сурат, ӯ ҷойи худро дар муассисаи таълимии мазкур аз даст медиҳад.

Довталабон имкон доранд, ки дархост ё саволҳои худро ба нишонии почтаи электронии Марказ – Этот адрес электронной почты защищен от спам-ботов. У вас должен быть включен JavaScript для просмотра. пешниҳод намоянд.

Ҳуҷҷатҳои зарурие, ки довтабалони дар озмуни тақсимоти такрорӣ муваффақгардида бояд ба муассисаҳои таълимии таҳсилоти миёна ва олии касбии дахлдор пешниҳод намоянд, инҳоянд:

1) ариза ба номи ректор (директор);

2) ҳуҷҷат дар бораи таҳсилот (диплом ё аттестат);

3) маълумотномаи тиббӣ (шакли 086-у);

4) 6 адад сурат (андозаи 3х4 см);

5) маълумотнома аз ҷойи зист;

6) шиноснома (асл) ё ҳуҷҷати тасдиқкунандаи шахсият бо сурат, ки аз тарафи мақоми ваколатдори давлатӣ  дода шудааст;

7) билети ҳарбӣ (агар дошта бошад) ё шаҳодатномаи ҳарбии даъватшаванда;

8) нусхаи дафтарчаи меҳнатӣ (агар собиқаи корӣ дошта бошад).