Навигариҳо

: Нашр шуд: 27 Марти 2015; Диданд: 1517

Душанбе, 27-уми марти соли 2015

Маркази миллии тестии назди Президенти Ҷумҳурии Тоҷикистон хабар медиҳад!

Баргузории олимпиадаи ҷумҳуриявии хонандагони муассисаҳои таҳсилоти миёнаи умумӣ аз фанҳои равияи ҷамъиятӣ-гуманитарӣ рӯзҳои 4-ум ва 5-уми апрели соли 2015 ва аз фанҳои равияи табиӣ-риёзӣ рӯзҳои 11-ум ва 12-уми апрели соли 2015 ба нақша гирифта шудааст.

Олимпиадаи мазкур дар бинои гимназия-парваришгоҳи ба номи Бобоҷон Ғафурови ноҳияи Рӯдакӣ баргузор хоҳад шуд.

: Нашр шуд: 19 Марти 2015; Диданд: 1613

Душанбе, 19-уми марти соли 2015

Ба диққати довталабон!

Дар имтиҳонҳои марказонидаи дохилшавии соли 2015 тақсимоти такрории довталабон ба муассисаҳои таълимӣ ба нақша гирифта нашудааст.

Вобаста ба ин, тасвия медиҳем, ки аз ҳуқуқи ба шумо додашуда истифода карда, 12 ихтисосро интихоб намоед. Зеро ин имконияти дар озмуни тақсимот муваффақ гардидани довталабонеро, ки холҳои гузаришро аз ҳамаи субтестҳо соҳиб мегарданд, афзун мекунад.

Хотиррасон мекунем, ки соли ҷорӣ довталаб метавонад то 12 ихтисосро интихоб намояд. Интихоби пешакии забони таҳсил бекор карда шудааст. Дар сурати интихоб кардани 12 ихтисос ва мавҷуд будани якчанд забони таҳсил дар онҳо имконияти дар озмуни тақсимот муваффақ гардидани довталабон боз ҳам меафзояд.

: Нашр шуд: 16 Марти 2015; Диданд: 1327

МУРОҶИАТНОМАИ МАХСУСИ

Маркази миллии тестии назди Президенти Ҷумҳурии Тоҷикистон

оид ба пешгирии амалҳои номатлуб дар раванди имтиҳонҳои марказонидаи

дохилшавӣ – 2015

Душанбе, 16-уми марти соли 2015

Маркази миллии тестии назди Президенти Ҷумҳурии Тоҷикистон довталабон, падару модарони онҳо ва тамоми алоқамандони имтиҳонҳои марказонидаи дохилшавиро огоҳ менамояд, ки ба монанди соли гузашта тамоми раванду марҳалаҳои имтиҳонҳои мазкур ба таври шаффоф ва одилона ба роҳ монда шуда, дониш ва маҳорату малакаи довталабон воқеӣ (объективона) арзёбӣ карда мешавад. Мутмаин бошед, ки имкони дахолати беруна ва тақаллуб дар имтиҳонҳои марказонидаи дохилшавӣ ҷой надорад ва Марказ барои пешгирӣ аз ҳар гуна ниятҳои нопок ва амалҳои номатлуб дар ин раванд тамоми тадбирҳои амалиро меандешад.

: Нашр шуд: 09 Марти 2015; Диданд: 1443

Душанбе, 2-уми марти соли 2015

Бақайдгирии довталабон барои иштирок дар имтиҳонҳои марказонидаи дохилшавӣ дар соли 2015 оғоз шуд. Дар асоси таҳлилҳо оид ба шумораи умумии хатмкунандагон ва бо мақсади таъмини дастрасии хоҳишмандон барои аз қайд гузаштан дар 24 шаҳру ноҳияи интихобии ҷумҳурӣ 26 нуқтаи бақайдгирӣ ташкил карда шуд.

: Нашр шуд: 25 Феврали 2015; Диданд: 1396

Душанбе, 25-уми феврали соли 2015

Дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонӣ дар имтиҳонҳои марказонидаи дохилшавӣ 170 (яксаду ҳафтод) сомонӣ муқаррар карда шудааст.

Тибқи тартиби муқарраргардида ятимони кулл ва бепарасторон, ки хоҳиши иштирок дар имтиҳонҳои мазкурро доранд, аз пардохти маблағ пурра озоданд. Довталабоне, ки ё падар ё модарашон вафот кардаанд, барои иштирок дар имтиҳонҳои марказонидаи дохилшавӣ танҳо 50 дарсади маблағи муайяншударо – 85 сомонӣ пардохт мекунанд.