Душанбе, 27-уми майи соли 2016
Марказ ба нақша гирифтааст, ки барои омодагии хоҳишмандон ва санҷиши дониши онҳо тести онлайнро ба роҳ монад. Айни замон таҳия ва коркарди системаи мувофиқ дар арафаи анҷомёбист.
Ҳамзамон дар ин самт омода кардани мутахассисон барои такмили пойгоҳи додаҳои саволу масъалаҳои тест низ роҳандозӣ шуда истодааст. Вобаста ба ин, Марказ бо дастгирии Шуъбаи ташкилоти байналмилалии Институти «Ҷамъияти кушода» – Бунёди мадад дар Тоҷикистон рӯзҳои 25-ум ва 26-уми майи соли равон дар Марказ семинари омӯзишии мутахассисони маҳаллӣ – таҳиягарони саволу масъалаҳои тестро баргузор кард.
Семинари омӯзиширо барои гурӯҳи корӣ, ки дар ҳайати он омӯзгорони муассисаҳои таълимӣ аз шаҳру ноҳияҳои ҷумҳурӣ дохил буданд, мушовирони байналмилалии ширкати Anglia Assessment Ltd – Алгирдас Забулионис ва Ҷорҷ Бетелл доир карданд.
