Нашр шуд: 08 Майи 2013

Диданд: 1259

8 майи соли 2013 – Аз 13 то 31-и майи соли ҷорӣ дар доираи Озмоиши калони низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон Муассисаи давлатии “Маркази миллии тестӣ” дар чор минтақаи ҷумҳурӣ (шаҳрҳои Душанбе, Қӯрғонтеппа, Хоруғ, Хуҷанд) барои хоҳишмандоне, ки тибқи эълони пешакӣ ҷиҳати иштирок дар озмуни интихоби маъмурони имтиҳонҳо ҳуҷҷат супоридаанд, семинар-тренинги омӯзишии якрӯза доир менамояд. Семинар-тренинги омӯзишӣ дар асоси модул ва барномаи таҳиягардида тибқи ҷадвали тасдиқгардида (шаҳри Душанбе – 13-15 май, шаҳри Қӯрғонтеппа – 20-22 май, шаҳри Хоруғ – 25 май ва шаҳри Хуҷанд – 29-31 май) гузаронида мешавад. Дар анҷоми семинар-тренинги омӯзишӣ барои мустаҳкам намудани маводҳои омӯзишӣ ба иштирокчиёни семинар-тренинг видеоролики омӯзишӣ намоиш дода мешавад.

Нашр шуд: 02 Майи 2013

Диданд: 1649

2 майи соли 2013. Дар давоми 16 рӯзи бақайдгирӣ, ки аз 15 то 30 апрели соли 2013 идома ёфт, зиёда аз 7122 нафар хоҳишмандон барои иштирок дар Озмоиши калони низоми имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон аз қайд гузаштанд. Шумораи хоҳишмандоне, ки аз қайд гузаштаанд, 120 фоизи иҷрои бақайдгирии банақшагирифташударо дар доираи озмоиши мазкур ташкил медиҳад. Лозим ба тазаккур аст, ки таваҷҷуҳи зиёди хоҳишмандон ба тахассусҳои кластери 5 (тиббӣ, биологӣ ва варзиш) равона карда шудааст. Шумораи зиёди хоҳишмандони аз қайд гузашта дар ду нуқтаи бақайдгирӣ, ки дар шаҳри Душанбе таъсис дода шуда буд, ба қайд гирифта шуд.

Нашр шуд: 26 Апрели 2013

Диданд: 1120

26 апрели соли 2013. Имрӯзҳо дар ҷумҳурӣ Маркази миллии тестӣ Озмоиши ҷумҳуриявиро бо мақсади санҷиши тартиб, расмиёт ва ҷузъиёти низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон гузаронида истодааст.

Нашр шуд: 25 Апрели 2013

Диданд: 2060

25 апрели соли 2013. Дар давоми 10 рӯзи бақайдгирӣ дар 7 нуқтаи бақайдгирӣ, ки аз тарафи Муассисаи давлатии “Маркази миллии тестӣ” дар чор минтақаи ҷумҳурӣ: шаҳрҳои Душанбе, Қӯрғонтеппа, Хуҷанд ва Хоруғ таъсис дода шудааст, зиёда аз 5404 нафар хоҳишмандон барои иштирок дар Озмоиши калони низоми имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон аз қайд гузаштанд. Шумораи хоҳишмандоне, ки аз қайд гузаштаанд, 90 фоизи иҷрои бақайдгирии банақшагирифташударо дар доираи озмоиши мазкур ташкил медиҳад. Лозим ба тазаккур аст, ки таваҷҷуҳи зиёди хоҳишмандон ба тахассусҳои кластери 5 (тиббӣ, биологӣ ва варзиш) равона карда шудааст.