Маркази миллии тестии назди

Президенти Ҷумҳурии Тоҷикистон

ЭЪЛОН

дар бораи озмуни интихоби бақайдгирандагони нуқтаҳои бақайдгирӣ

Душанбе, 8-уми январи соли 2016

Вазифа:  бақайдгирандаи нуқтаи бақайдгирӣ (104 ҷой)

Муҳлат: 35 (сию панҷ) рӯз (аз 1-уми март то 15-уми апрел бо имкони тамдид)

Макони иҷрои вазифа: ш. Душанбе - 24 нафар,  ш. Ваҳдат - 2 нафар,  ш. Турсунзода - 2 нафар, н. Рашт - 4 нафар, н. Рӯдакӣ - 2 нафар, н. Ҳисор - 2 нафар,  ш. Хуҷанд - 8 нафар, ш. Истаравшан - 4 нафар, ш. Исфара - 2 нафар, ш. Конибодом - 2 нафар, ш. Панҷакент - 2 нафар, н. Ашт - 2 нафар, н. Б. Ғафуров - 4 нафар, ш. Қӯрғонтеппа - 12 нафар, ш. Кӯлоб - 6 нафар, н. Восеъ - 4 нафар, н. Данғара - 2 нафар, н. Ёвон - 4 нафар, н. Фархор - 2 нафар, н. Шаҳритус - 4 нафар, н. Ҳамадонӣ - 2 нафар, н. Ҷ. Румӣ - 4 нафар, ш. Хоруғ - 4 нафар.

Барои бақайдгирии довталабон бо мақсади иштирок дар имтиҳонҳои марказонидаи дохилшавӣ - 2016 Маркази миллии тестии назди Президенти Ҷумҳурии Тоҷикистон (Марказ) дар шаҳру ноҳияҳои ҷумҳурӣ нуқтаҳои бақайдгирӣ таъсис медиҳад. Барои идораи раванди бақайдгирии довталабон дар нуқтаҳои бақайдгирӣ кормандони муваққатӣ ҷалб ва омӯзонида мешаванд.

Ба зиммаи кормандони интихобгардида масъулияти бақайдгирии довталабон дар нуқтаҳои бақайдгирӣ гузошта мешавад.

Вазифаҳои асосӣ:

- омода намудани нуқтаи бақайдгирӣ ва таҷҳизоти техникӣ барои бақайдгирии довталабон;

- дуруст ва бехато ворид намудани маълумот бо истифода аз барномаи компютерӣ тибқи қоида ва дастурамали вазифавӣ;

- нигаҳдории маълумоти довталабон то замони ба роҳбари нуқтаи бақайдгирӣ супоридан;

- таҳия ва пешниҳоди ҳисоботи ҳаррӯза ва ҷамъбастӣ ба роҳбари нуқтаи бақайдгирӣ.

Талаботи тахассусӣ:

- маълумоти олӣ ё олии нопурра;

- таҷрибаи корӣ дар соҳаи маориф;

- малакаи зарурии кор бо воситаҳои техникӣ ва барномавии технологияҳои иттилоотию коммуникатсионӣ: ноутбук, веб-камера, принтер, шабакаҳои маҳаллӣ, барномаҳои офисӣ ва бастаи барномаҳои коркарди электронии ҳуҷҷатҳо;

- озодона суҳбат намудан бо забонҳои тоҷикӣ ва русӣ;

- ба шахсоне, ки дар имтиҳонҳои марказонидаи дохилшавии солҳои 2014 ва (ё) 2015 чун корманди муваққатӣ кор карда буданд, афзалият дода мешавад.

Барои иштирок дар озмун хоҳишмандон бояд шакли пурсишномаи муқарраргардида, нусхаи шиноснома (бо қайди ҷойи истиқомат), рақами мушаххаси андозсупоранда (РМА) ва рақами инфиродии суғурташуда (РИС)-ро ба нишонии зерин пешниҳод намоянд:

Маркази миллии тестии назди Президенти Ҷумҳурии Тоҷикистон

дар ш. Душанбе, хиёбони Рӯдакӣ, 192,

почтаи элекронӣ (e-mail): Этот адрес электронной почты защищен от спам-ботов. У вас должен быть включен JavaScript для просмотра.,

шахси мутасаддӣ: Т. Каримов, тел.:  915 98 00 88 (ш. Душанбе ва ноҳияҳои тобеи ҷумҳурӣ);

дар вилояти Суғд, ш. Хуҷанд, кӯчаи Хаким Карим, 16,

почтаи элекронӣ (e-mail): Этот адрес электронной почты защищен от спам-ботов. У вас должен быть включен JavaScript для просмотра.,

шахси мутасаддӣ: В. Сабуров,  тел.: 915 98 00 89 (вилояти Суғд);

дар вилояти Хатлон, ш. Қӯрғонтеппа, кӯчаи Борбад, 13,

почтаи элекронӣ (e-mail): Этот адрес электронной почты защищен от спам-ботов. У вас должен быть включен JavaScript для просмотра.,

шахси мутасаддӣ: Р. Халилов, тел.:  915 98 00 58 (вилояти Хатлон);

дар Вилояти Мухтори Кӯҳистони Бадахшон, ш. Хоруғ, кӯчаи Иҷубов Мамадато, 234,

почтаи элекронӣ (e-mail): Этот адрес электронной почты защищен от спам-ботов. У вас должен быть включен JavaScript для просмотра.,

шахси мутасаддӣ: М. Шоназарова, тел.: 915 98 00 51 (ВМКБ);

Хоҳишмандон танҳо ба воситаи озмун интихоб карда мешаванд.

Муҳлати ниҳоии пешниҳоди дархост барои иштирок: 29-уми январи с. 2016, то соати 16:00.