Навигариҳо

: Нашр шуд: 14 Марти 2014; Диданд: 1482

Душанбе, 14-уми марти соли 2014. Шурӯъ аз 1-уми марити соли ҷорӣ дар 20 нуқтаи бақайдгирӣ марҳалаи сабтиномшавии довталабон оғоз шуд. Чунон ки иттилоъ дода будем, нуқтаҳои мазкур дар саросари ҷумҳурӣ ҷой дода шудаанд. Дар байни ин 14 рӯз аллакай зиёда аз 8 ҳазор нафар довталабон аз қайд гузаштаанд. Аз ин теъдод 40 дарсадро духтарон ва 60 дарсадро писарон ташкил мекунанд. Бояд гуфт, ки аз ҷониби довталабон кластерҳои V ва II бештар интихоб шудаанд. Маълумот дар бораи теъдоди онҳое, ки аз қайд гузаштаанд дар сомона ҳар рӯз ҷой дода мешавад.

: Нашр шуд: 28 Феврали 2014; Диданд: 1516

Душанбе, 28-уми феврали соли 2014. Ҳаяти мушовараи Вазорати маориф ва илми ҷумҳурӣ тартиби имтиёзҳоро барои иштирок дар имтиҳонҳои марказонидаи дохилшавӣ ба муассисаҳои таҳсилоти олии касбӣ субҳи имрӯз муаяйн кард. Аз рӯйи қарори баррасишуда довталабоне, ки падару модарашон вафот кардаанд, аз пардохти маблағ озоданд ва довталабоне, ки ё падар ё модарашон вафот кардаанд. танҳо 50% аз маблағи муқарраршударо мепардозанд.

: Нашр шуд: 27 Феврали 2014; Диданд: 1709

Душанбе, 27.02.2014. Ахиран дар мувофиқа бо Хадамоти зиддиинҳисории назди Ҳукумати Ҷумҳурии Тоҷикистон арзиши хизматрасонии имтиҳонҳои марказонидаи дохилшавӣ (ИМД) 150 сомонӣ муайян шуд. Бояд қайд кард, тибқи банди 7-и Тартиб ва тарзи қабули имтиҳонҳои қабул барои муассисаҳои таълимии таҳсилоти олии касбии Ҷумҳурии Тоҷикистон, ки бо фармоиши вазири маориф ва илми Ҷумҳурии Тоҷикистон аз 25 ноябри соли 2013 №2935 тасдиқ ва дар Вазорати адлия ҳамчун санади меъёрии ҳуқуқӣ ба қайд гирифта шудааст, хизматрасонӣ ба довталабон дар имтиҳонҳои марказонидаи дохилшавӣ пулакӣ мебошад ва арзиши он мутобиқи тартиби муқаррарнамудаи қонунгузории Ҷумҳурии Тоҷикистон бо мувофиқаи Хадамоти зиддиинҳисории назди Ҳукумтаи Ҷумҳурии Тоҷикистон муайян карда мешавад.

: Нашр шуд: 25 Феврали 2014; Диданд: 1725

Душанбе, 25 феврали соли 2014. Маркази миллии тестӣ аз тобеияти Вазорати маориф ва илми ҷумҳурӣ бароварда шуд. Бо Фармони Президенти Ҷумҳурии Тоҷикистон аз 10-уми феврали соли 2014, таҳти №138 дар заминаи Муассисаи давлатии “Маркази миллии тестӣ” Маркази миллии тестии назди Президенти Ҷумҳурии Тоҷикистон таъсис дода шуд. Ин тасмим дар ҷаласаи Ҳукумати Ҷумҳурии Тоҷикистон бо иштироки Президенти кишвар Эмомалӣ Раҳмон, ки дар таърихи 21.02.2014 баргузор гардид, эълон шуд. Дар ҷаласаи мазкур ҳамчунин роҳбарияти Маркази миллии тестии назди Президенти Ҷумҳурии Тоҷикистон иваз гардид. Хуршед Тешаев директор ва Сабзалӣ Ҷаъфаров ба вазифаи муовини якуми директори марказ таъйин шуданд.

: Нашр шуд: 19 Феврали 2014; Диданд: 1706

Душанбе, 19-уми феврали соли 2014. Тибқи дархости литсей-интернати муштараки тоҷикию туркии ба номи Ҳоҷӣ Камоли шаҳри Душанбе ва супориши директори марказ бо маъмурият, ҳайати омӯзгорон, падару модарон ва хатмкунандагони муассисаи таълимии мазкур корҳои фаҳмонидадиҳӣ оид ба низоми имтиҳонҳои марказонидаи дохилшавӣ ба МТОК доир гардид.