Навигариҳо

: Нашр шуд: 19 Июли 2013; Диданд: 1850

(Суҳбати директори Маркази миллии тестӣ бо рӯзноманигори рӯзномаи “Ҷумҳурият”, аз 13 июли соли 2013, №94)

Чанде қабл дар доираи озмоиши калони низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон дар 7 маркази имтиҳонӣ, ки аз тарафи Муассисаи давлатии “Маркази миллии тестӣ” дар чор минтақаи ҷумҳурӣ – шаҳрҳои Душанбе, Қӯрғонтеппа, Хоруғ ва Хуҷанд таъсис дода шуд, имтиҳонҳо баргузор гардиданд. Озмоиши мазкур дар асоси амалӣ намудани банди 12 қарори Ҳукумати Ҷумҳурии Тоҷикистон аз 19 январи соли 2013 №23 “Дар бораи аз соли 2014 ба таври мутамарказ ба роҳ мондани қабули довталабон дар муассисаҳои таҳсилоти олии касбӣ” ва иҷрои Фармоиши вазири маорифи Ҷумҳурии Тоҷикистон аз 24 январи соли 2013 №161 “Оид ба озмоиши низоми имтиҳонҳои марказонидашудаи қабул ба муассисаҳои таҳсилоти олии касбӣ” сурат гирифт.

Роҷеъ ба вижагиҳои низоми нав ва дар бораи он маълумоти бештар пайдо намудани аҳолии кишвар суҳбате доштем бо Савзалӣ Ҷаъфаров, директори Маркази миллии тестӣ.

: Нашр шуд: 08 Июли 2013; Диданд: 1579

Бо ташаббуси Ҳукумати Ҷумҳурии Тоҷикистон ва дастгирии бевоситаи Вазорати маорифи Ҷумҳурии Тоҷикистон ҷиҳати фаъолияти пурсамар ва таҳкими иқтидори нерӯҳои кадрӣ дар маҳаллаи “Боғи Айнӣ”‑и шаҳри Душанбе сохтмони бинои нав барои Муассисаи давлатии “Маркази миллии тестӣ” (ММТ) ба анҷом расида истодааст.

: Нашр шуд: 24 Июни 2013; Диданд: 1742

Душанбе, 24 июни соли 2013 – Имтиҳонҳои Озмоиши калони низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон бо муваффақият ба анҷом расид. Дар давоми 8 рӯз зиёда аз 3851 нафар хонандагон, ки дар давраи бақайдгирӣ аз қайд гузашта буданд, тибқи ҷадвали тасдиқгардида дар имтиҳонҳо иштирок намуданд.

: Нашр шуд: 19 Июни 2013; Диданд: 1444

Душанбе, 19 июни соли 2013 – Муассисаи давлатии “Маркази миллии тестӣ” ба диққати хонандагони синфҳои 10-и муассисаҳои таҳсилоти миёнаи умумии ҷумҳурӣ мерасонад, ки иштирокчиёне, ки дар даври аввали имтиҳонҳои Озмоиши калони низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон иштирок намудаанд, метавонанд аз 1-и августи соли 2013 бо натиҷаи имтиҳонҳо тавассути сомонаи Маркази миллии тестӣ (http://ntc.tj/) шинос шаванд.

: Нашр шуд: 19 Июни 2013; Диданд: 1618

Душанбе, 19 июни соли 2013 – Тайи 5 рӯз аст, ки супоридани имтиҳонҳои Озмоиши калони низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон дар 7 маркази имтиҳонӣ бо муваффақият баргузор гашта истодааст. Аллакай, 3700 нафар хонандагон тибқи ҷадвали имтиҳонҳо ва вобаста ба кластерҳо дар имтиҳонҳои тести умумӣ ва кори хаттӣ (эссе) иштирок намуданд. Шурӯъ аз 20 июни соли ҷорӣ имтиҳонҳои тести тахассусӣ оғоз меёбад, ки ҳар як хонанда вобаста ба тахассусҳои интихобкардааш аз фанҳои асосӣ имтиҳон месупорад.