Душанбе, 10 июли соли 2014

Маркази миллии тестии назди Президенти Ҷумҳурии Тоҷикистон хабар медиҳад:

Ба довталабоне, ки бо сабабҳои узрнок дар имтиҳонҳои компоненти А ва Б иштирок карда натавонистанд, бо пешниҳоди ариза, нусхаи даъватнома ва ҳуҷҷатҳои тасдиқкунандаи сабабҳои узрнок барои иштирок дар имтиҳонҳои иловагӣ иҷозат дода мешавад.

Аризаҳои довталабон то рӯзи 14-уми июл дар бинои Маркази миллии тестии назди Президенти Ҷумҳурии Тоҷикистон ва филиалҳои минтақавии он қабул карда мешаванд.

Ҷадвали баргузории имтиҳонҳои иловагӣ:

1. Компоненти А-22 июл (барои тамоми гурӯҳи ихтисосҳо (кластерҳои 1,2,3,4,5)

2. Компоненти Б-23 июл (барои тамоми гурӯҳи ихтисосҳо (кластерҳои 1,2,3,4,5)

Имтиҳонҳои иловагӣ танҳо дар шаҳри Душанбе гузаронида мешавад ва макони баргузории имтиҳонҳо рӯзи 17-уми июл муайян мегардад.

Бо мутахассисони Марказ тавассути телефонҳои зерин дар тамос шавед:

1. Ҳамоҳангсоз дар шаҳри Душанбе ва ноҳияҳои тобеи ҷумҳурӣ: (+992) 915-98-00-78

2. Ҳамоҳангсоз дар вилояти Суғд: (+992) 915-98-00-69

3. Ҳамоҳангсоз дар вилояти Хатлон: (+992) 915-98-00-58

4. Ҳамоҳангсоз дар ВМКБ: (+992) 915-98-00-51

Маълумоти иловагиро аз сомонаи марказ www.ntc.tj дастрас намоед.