Душанбе, 18 июли соли 2014

АПЕЛЛЯТСИЯ – аризаи хаттии асосноккардаи довталаб оид ба тартиби муқарраргардидаи гузаронидани имтиҳонҳо ва ё норозӣ будан аз натиҷа/балли гузошташуда дар имтиҳонҳои марказонидаи дохилшавӣ (ИМД) мебошад.

Комиссияи апеллятсионӣ бо мақсади таъмини ҳуқуқи довталабоне, ки барои қабул шудан ба муассисаҳои таҳсилоти олии касбӣ (МТОК) ИМД  месупоранд  ва бо мақсади ҳалли масъалаҳои баҳсталаби зерин таъсис дода мешавад:

•  оид ба вайрон намудани тартиби муқаррарнамудаи гузаронидани ИМД;

•  оид ба розӣ набудани довталаб аз натиҷа/балли гузошташуда дар ИМД.

Аризаи апеллятсионӣ оид ба вайрон кардани тартиби муқарраргардидаи гузаронидани имтиҳонҳо дар маркази имтиҳонӣ рӯзи имтиҳон, яъне то баромадан аз маркази имтиҳонӣ аз тарафи довталаб ба роҳбари маркази имтиҳонӣ пешниҳод карда мешавад.

Аризаи апеллятсионӣ оид ба норозӣ будан аз натиҷа/балли гузошташуда дар имтиҳонҳои марказонидаи дохилшавӣ дар давоми 48 соат (ду рӯзи корӣ) пас аз эълони натиҷаҳои имтиҳонҳо аз тарафи довталаб ба Марказ ё шуъбаҳои минтақавии Марказ пешниҳод карда мешавад.

Комиссияи апеллятсионӣ аризаҳоро оид ба розӣ набудани довталаб аз натиҷа дар шаҳри Душанбе дар Маркази миллии тестии назди Президенти Ҷумҳурии Тоҷикистон  (ММТНПҶТ)  баррасӣ  менамояд.

Дар Комиссияи апеллятсионӣ масъалаҳои зерин баррасӣ карда намешавад:

• мазмуну мундариҷа ва сохтори тестҳои фаннӣ;

• вайрон намудани қоидаҳои ИМД ва талаботи иҷрои тест аз тарафи довталабони ИМД.

Довталабоне, ки ба ММТНПҶТ оид ба натиҷа/балли гузошташуда дар ИМД муроҷиат карданӣ ҳастанд метавонанд (дар давоми 48 соат пас аз эълони натиҷаи имтиҳонҳо) ба  Комиссияи  апеллятсионӣ тавассути почтаи электронии ММТНПҶТ - Этот адрес электронной почты защищен от спам-ботов. У вас должен быть включен JavaScript для просмотра. аризаи апеллятсионӣ  пешниҳод намоянд. Шаклҳои муқарраргардидаи аризаҳои апеллятсионӣ  дар зер замима мегарданд.

Ҳамчунин довталабон  шаклҳои аризаи апеллятсиониро метавонанд аз маркази имтиҳонӣ ва ё аз шуъбаҳои минтақавии ММТНПҶТ дастрас  ва пешниҳод намоянд.

Нишонии шуъбаҳои минтақавӣ:

1. ш. Душанбе, хиёбони Рӯдакӣ - 192;  телефонҳо: (+992 37) 224-53-68; (900) 88-44-25

2. ш. Хуҷанд, кӯчаи Ҳаким Карим - 16; телефонҳо: (+992 3422) 4-02-04;  (98) 707-19-64

3. ш. Қӯрғонтеппа, кӯчаи Борбад -13;   телефонҳо: (+992 3222) 3-05-41; (918) 49-15-14

4. ш. Хоруғ, кӯчаи Иҷубов Мамадато -234; телефонҳо: (+992 3522) 22-73-83; (98) 733-68-76