Душанбе, 31 октябри соли 2014
Бо фармоиши Вазорати маориф ва илми Ҷумҳурии Тоҷикистон бо мақсади иҷрои нақшаи қабули донишҷӯён ба гурӯҳҳои пулакии Донишгоҳи давлатии Хоруғ ба номи Моёншо Назаршоев қабули донишҷӯён ба донишгоҳи мазкур ба роҳ монда мешавад.
Вобаста ба ин, аз 3-юм то 8 ноябри соли 2014 бақайдгирии довталабон доир мегардад. Хоҳишмандон метавонанд, бо пешниҳоди ҳуҷҷатҳои зарурӣ сабти ном гарданд ва дар имтиҳонҳо иштирок карда, мувофиқи тартиби муқарраргардида ба ихтисосҳои интихобкардаашон дар асоси натиҷаҳои бадастоварда тақсимот шаванд. Ҳуҷҷатҳои зарурӣ барои бақайдгирӣ:
- шиноснома ва нусхаи он;
- аттестат (шаҳодатнома) дар бораи таҳсилоти миёнаи
умумӣ (барои онҳое, ки муассисаҳои таҳсилоти миёнаи
умумиро хатм кардаанд);
- диплом дар бораи таҳсилоти ибтидоии касбӣ (барои
онҳое, ки муассисаҳои таҳсилоти ибтидоии касбиро хатм
кардаанд);
- диплом дар бораи таҳсилоти миёнаи касбӣ (барои
хатмкунандагони муассисаҳои таҳсилоти миёнаи касбӣ);
- маълумотномаи муассисаи таҳсилоти миёнаи касбӣ дар
хусуси хатмкунандаи гурӯҳи пулакӣ будан;
- расиди шакли № 31 аз Бонки давлатии амонатгузории
Ҷумҳурии Тоҷикистон “Амонатбонк” дар бораи пардохти
150 сомонӣ.
Имтиҳонҳо 11-ум ва 12-уми ноябр аз тарафи Маркази миллии тестии назди Президенти Ҷумҳурии Тоҷикистон дар шаҳри Хоруғ (дар Донишгоҳи давлатии Хоруғ ба номи Моёншо Назаршоев) ва шаҳри Душанбе доир карда мешаванд. Макони баргузории имтиҳонҳо дар шаҳри Душанбе вобаста ба шумораи хоҳишмандон баъдтар муайян карда мешавад.
Нишонии нуқтаҳои бақайдгирӣ:
Маркази миллии тестии назди Президенти Ҷумҳурии Тоҷикистон
шаҳри Душанбе, хиёбони Рӯдакӣ, 192 (дар рӯбарӯи боғи Айнӣ)
Донишгоҳи давлатии Хоруғ ба номи Моёншо Назаршоев
шаҳри Хоруғ, кӯчаи Ленин, 28
Барои маълумоти бештар метавонед бо телефонҳои 224 53 66, 224 53 67, 224 53 68 ва ё тавассути почтаи электронии марказ Этот адрес электронной почты защищен от спам-ботов. У вас должен быть включен JavaScript для просмотра. дар тамос шавед.
