Душанбе, 20 августи соли 2014
Маркази миллии тестии назди Президенти Ҷумҳурии Тоҷикистон ба диққати довталабоне, ки холҳои гузариши фанниро аз ҳамаи субтестҳо ба даст овардаанду лекин тибқи озмуни тақсимот бинобар мувофиқат накардани баллҳо ба ихтисосҳои интихобкардаашон нагузаштаанд ва хоҳиши иштирок дар озмуни тақсимоти такрориро доранд, рӯйхатҳои пешакии ҷойҳои холиро дар ихтисосҳо пешниҳод менамояд:
Гурӯҳи ихтисосҳо (кластер)-и 1 – “Табиӣ ва техникӣ”
Гурӯҳи ихтисосҳо (кластер)-и 1 – “Табиӣ ва техникӣ” – [иловагӣ]
Гурӯҳи ихтисосҳо (кластер)-и 2 – “Иқтисодӣ ва география”
Гурӯҳи ихтисосҳо (кластер)-и 2 – “Иқтисодӣ ва география” – [иловагӣ]
Гурӯҳи ихтисосҳо (кластер)-и 3 – “Филология, педагогика ва санъат”
Гурӯҳи ихтисосҳо (кластер)-и 3 – “Филология, педагогика ва санъат” – [иловагӣ]
Гурӯҳи ихтисосҳо (кластер)-и 4 – “Ҷомеашиносӣ ва ҳуқуқ”
Гурӯҳи ихтисосҳо (кластер)-и 4 – “Ҷомеашиносӣ ва ҳуқуқ” – [иловагӣ]
Гурӯҳи ихтисосҳо (кластер)-и 5 – “Тиббӣ, биологӣ ва варзиш”
Гурӯҳи ихтисосҳо (кластер)-и 5 – “Тиббӣ, биологӣ ва варзиш” – [иловагӣ]
Лозим ба қайд аст, ки рӯйхатҳои пешниҳодгардида дар асоси натиҷаҳои тақсимоти асосӣ тартиб дода шудаанд. Рӯйхатҳои ниҳоии ҷойҳои холӣ дар ихтисосҳо баъд аз дастрас гардидани маълумот дар бораи довталабоне, ки аз ҷойҳои тақсимотшуда даст кашидаанд ва ё ба муассисаи таълимии таҳсилоти олии касбӣ ҳозир нашудаанд, 26 август пешниҳод карда мешавад.
Барои азнавбақайдгирӣ довталаб бояд ба яке аз нуқтаҳои азнавбақайдгирӣ ҳозир шуда, шиноснома, варақаи бақайдгирӣ (ё даъватнома) ва расидро оид ба пардохти маблағ пешниҳод намояд.
Довталабон метавонанд маблағи азнавбақайдгириро (14 сомонӣ) дар яке аз филиалҳои зерини Бонки давлатии амонатгузории Ҷумҳурии Тоҷикистон “Амонатбонк” бо истифода аз расиди шакли № 31 пардохт намоянд:
1. Филиали № 5, шаҳри Душанбе, кӯчаи Ҳ. Шерозӣ 13.
2. Филиали № 23, шаҳри Хуҷанд, кӯчаи Мавлонбеков 2.
3. Филиали № 43, шаҳри Қӯрғонтеппа, кӯчаи Б. Ғафуров 34.
4. Филиали № 56, шаҳри Кӯлоб, кӯчаи С. Сафаров 3.
5. Филиали № 66, шаҳри Хоруғ, кӯчаи Ленин 115.
Маълумоти бештар дар бораи озмуни тақсимоти такрорӣ ва нуқтаҳои азнавбақайдгирӣ.
