Душанбе, 30 августи соли 2014
Маркази миллии тестии назди Президенти Ҷумҳурии Тоҷикистон ба диққати довталабоне, ки барои озмуни тақсимоти такрорӣ ба ҷойҳои холӣ дар ихтисосҳо рӯзҳои 26, 27 ва 28-уми август аз нав аз қайд гузаштаанд, мерасонад, ки натиҷаҳои озмуни тақсимоти такрорӣ 31 август соати 14:00 эълон карда мешаванд.
Ҳуҷраҳои инфиродии нави довталабони аз нав сабтиномшуда низ 31 август соати 14:00 фаъол карда мешаванд.
Барои дастрас кардани маълумот дар бораи натиҷаҳои озмуни тақсимоти такрорӣ довталабони аз нав сабтиномшуда метавонанд аз ҳуҷраҳои инфиродии худ истифода намоянд.
| Бо натиҷаҳои имтиҳонҳо инчунин метавон тавассути паёмак (SMS) низ шинос шуд. Барои дарёфти маълумот оид ба натиҷаи худ довталаб бояд ба рақами кӯтоҳи 1617 аз телефони мобилӣ матни “n рақами назоратии худ” (масалан n100201400374)-ро ирсол намояд. Дар ҷавоб паёмак (SMS) фиристода мешавад, ки дар он натиҷаҳои озмуни тақсимоти такрории довталаби дахлдор дарҷ гардидааст. Фиристодани паёмак (SMS) пулакӣ буда, арзиши он 1 сомонию 70 дирамро ташкил медиҳад. |
Хотиррасон ва хоҳиш менамоем, ки дар сурати гузаштан ба ин ё он ихтисоси аз нав интихобкарда довталабро зарур аст, ки фавран на дертар аз 4 сентябр ба муассисаи таълимии таҳсилоти олии касбии гузаштааш ҳозир шуда, бо пешниҳоди ҳуҷҷатҳои зарурӣ аз қайд гузарад.
Ҳуҷҷатҳои зарурие, ки довтабалони тақсимшуда ба ихтисосҳои интихобкарда бояд ба муассисаҳои таҳсилоти олии касбии дахлдор пешниҳод намоянд, инҳоянд:
1. ариза ба номи ректор;
2. ҳуҷҷат дар бораи маълумот ё диплом (нусхаи аслӣ) (дар бораи таҳсилоти ибтидоии мусиқӣ ё миёнаи махсуси мусиқӣ барои довталабони Консерваторияи миллии Тоҷикистон ба номи Талабхӯҷа Сатторов);
3. маълумотномаи тиббӣ (шакли 086-у);
4. 6 адад сурат (андозаи 3х4см);
5. маълумотнома аз ҷойи зист;
6. шиноснома (асл) ё ҳуҷҷати тасдиқкунандаи шахсият бо сурат, ки аз тарафи сохтори ваколатдори давлатӣ дода шудааст;
7. билети ҳарбӣ ё шаҳодатномаи ҳарбии даъватшаванда;
8. нусхаи дафтарчаи меҳнатӣ (агар собиқаи корӣ бошад).
Дар сурати зарурат барои маълумоти бештар метавонед бо телефонҳои 224-53-66, 224-53-67, 224-53-68 ва ё тавассути почтаи электронии марказ Этот адрес электронной почты защищен от спам-ботов. У вас должен быть включен JavaScript для просмотра. дар тамос шавед.
