Душанбе, 29 октябри соли 2014

28-уми октябри соли 2014 дар шаҳри Душанбе конференсия дар мавзӯи  “Анҷоми Лоиҳаи гранти Барномаи ҳамкории рушди таҳсилоти Россия – READ (марҳалаи II) дар Ҷумҳурии Тоҷикистон ва натиҷаҳои асосии соли аввали имтиҳонҳои марказонидаи дохилшавӣ” баргузор гардид.

Нишасти мазкур бо ташаббуси Маркази миллии тестии назди Президенти Ҷумҳурии Тоҷикистон ва дастгирии Бонки Ҷаҳонӣ созмон дода шуда, мақсади ҳамоиш – муаррифии натиҷаҳои татбиқи марҳалаи дуюми Лоиҳаи гранти Барномаи ҳамкории рушди таҳсилоти Россия – READ.

Маълумоти умумӣ дар бораи Лоиҳа

Бо мақсади ҷорӣ намудани низоми нави имтиҳонҳои марказонидаи дохилшавӣ ба муассисаҳои таълимии таҳсилоти олии касбии Ҷумҳурии Тоҷикистон ва дар ин замина баланд бардоштани сифати таҳсилот дар ҷумҳурӣ 28-уми июли соли 2011 байни Ҳукумати Ҷумҳурии Тоҷикистон ва Бонки ҷаҳонӣ Созишномаи Лоиҳаи гранти “Барномаи ҳамкории рушди таҳсилоти Россия (READ) – марҳалаи II дар Ҷумҳурии Тоҷикистон” ба имзо расид.

Мақсади лоиҳаи гранти мазкур таҳкими иқтидори Марказ барои ба таври устувор ҷорӣ намудани ИМД ва низоми тестгузаронии миллии арзёбии дониши хонандагон ва мувофиқат ба стандартҳои байналмилалӣ дар дурнамои дарозмуддат буда, он аз бахшҳои зерин иборат аст:

1.Тақвияти созмонӣ: таъмини амволу таҷҳизот, расонидани кумакҳои фаннӣ (техникӣ), ташкили омӯзишу семинарҳо ҷиҳати таҳкими иқтидори созмонии Марказ.

2.Таҳкими иқтидор: расонидани кумаки фаннӣ, ташкили омӯзишу семинарҳо барои мусоидат дар таҳкими иқтидори ҳайати кормандони Марказ бо мақсади рушди ҳирфаӣ ҷиҳати идора намудани ИМД ва арзёбии дониши хонандагон.

3.Таҷҳизонидан: таъмини амволу таҷҳизоти зарурӣ ба Марказ барои истифода дар тамоми чорабиниҳо оид ба тестгузаронӣ.

Лоиҳа аз тарафи Марказ дар ҳамкорӣ бо Вазорати маориф ва илми Ҷумҳурии Тоҷикистон ва ҳамоҳангсозӣ бо Бонки ҷаҳонӣ татбиқ гардид.

Мавзӯъҳои асосӣ:

Дар нишасти мазкур ҳамчун натиҷаи татбиқи Лоиҳа марҳалаҳои асосии ИМД-2014, аз ҷумла, “Лоиҳаи гранти Барномаи ҳамкории рушди таҳсилоти Россия READ дар Ҷумҳурии Тоҷикистон; Марҳилаҳои асосии ИМД-2014”; “Идораи имтиҳонҳо дар соли 2014”; “Коркарди маводи имтиҳонӣ ва эълони натиҷаҳои ИМД-2014”; “Арзёбии муқаддамотии натиҷаҳои ИМД” баррасӣ шуданд.

Дар доираи мавзӯъҳое, ки дар конференсия матраҳ гардиданд, иштирокдорони он аз тамоми вазорату муассисаҳои дахлдори кишвар аз натиҷаҳои Лоиҳа ва ИМД-2014 ба таври кофӣ бархӯрдор шуданд.

МАРКАЗИ МИЛЛИИ ТЕСТИИ НАЗДИ ПРЕЗИДЕНТИ ҶУМҲУРИИ ТОҶИКИСТОН

Нишонӣ: Ҷумҳурии Тоҷикистон, 734003, шаҳри Душанбе, хиёбони Рӯдакӣ 192

Телефон: (+992 37) 224-53-67 , 224-53-68

Факс: (+992 37) 224-53-66

Сомона: www.ntc.tj

Почтаи электронӣ: Этот адрес электронной почты защищен от спам-ботов. У вас должен быть включен JavaScript для просмотра.

Презентатсияҳо
	Тешаев Х.И. – Лоиҳаи гранти барномаи ҳамкории рушди таҳсилоти Россия (READ) дар Ҷумҳурии Тоҷикистон
	Ҷаъфаров С.Ф. – Марҳалаҳои асосии имтиҳонҳои марказонидаи дохилшавӣ – 2014
	Шодиев М.С. – Ҳамкорӣ бо муассисаҳои таҳсилоти олии касбӣ
	Табарова Р.С. – Кор бо ҷомеа: иттилоърасонӣ ва тафсир
	Саидов П.Х. – Бақайдгирии довталабон
	Раҳмонов М.Н. – Идораи имтиҳонҳо
	Азимов Ҷ.А. – Таҳияи маводи имтиҳон/тестҳо ва таҳлили натиҷаҳо
	Назаров Р.С. – Коркарди маводи имтиҳон ва эълони натиҷаҳо
	Ҷорҷ Бетҳел, Алгидрас Забулионис. – ИМД-2014: оғози роҳи тӯлонӣ (англ.)