Тел: (+99237) 224-53-68, E-mail: office@ntc.tj
- Диданд: 828
Душанбе, 18-уми феврали соли 2019
Ба таваҷҷуҳи онҳое, ки барои иштирок дар имтиҳонҳои марказонидаи дохилшавӣ аз қайд гузаштан мехоҳанд, расонида мешавад, ки бояд ҳангоми интихоби ихтисосҳои тиббӣ бо номгӯйи бемориҳое, ки шахсони ба онҳо мубталогашта аз рӯйи баъзе ихтисосҳои тиббӣ ҳуқуқи таҳсил карданро дар муассисаҳои таълимии таҳсилоти миёна ва олии касбӣ надоранд, шинос шаванд. Рӯйхати чунин бемориҳо, ки онро Ҳукумати Ҷумҳурии Тоҷикистон муайян кардааст (аз 25-уми сентябри соли 2018, № 475), дар нуқтаҳои бақайдгирӣ ва сомонаи Марказ гузошта шудааст (замимаи 5-ум дар “Роҳнамои довталаб”). Таъкид менамоем, ки дар ҳолати гирифтории довталаб ба яке аз ин бемориҳо муассисаи таълимӣ ҳуқуқи қабули ӯро надорад.
- Диданд: 857
Душанбе, 11-уми феврали соли 2019
Ба диққати шахсоне, ки барои иштирок дар имтиҳонҳои марказонидаи дохилшавӣ дар соли 2019 аз қайд гузаштан мехоҳанд, расонида мешавад, ки бо фармоиши Вазорати маориф ва илми Ҷумҳурии Тоҷикистон 31-уми январи соли 2019, № 581 рӯйхати муассисаҳои таълимии таҳсилоти миёнаи умумӣ ва олии касбие, ки дар заминаи онҳо барои бақайдгирии довталабон ҷиҳати иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2019 нуқтаҳои бақайдгирӣ ташкил карда мешаванд, тасдиқ гардид.
- Диданд: 993
Душанбе, 4-уми феврали соли 2019
Маркази миллии тестии назди Президенти Ҷумҳурии Тоҷикистон бо мақсади омӯзиш ва интихоби роҳбарон, ёварони роҳбарон ва бақайдгирандагони нуқтаҳои бақайдгирӣ ва дар сатҳи зарурӣ ба роҳ мондани раванди бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2019 аз 4-уми феврали соли ҷорӣ семинарҳои омӯзиширо барои кормандони нуқтаҳои бақайдгирӣ оғоз менамояд.
- Диданд: 1102
Душанбе, 1-уми феврали соли 2019
Маркази миллии тестии назди Президенти Ҷумҳурии Тоҷикистон ҷиҳати иҷрои Амри Президенти Ҷумҳурии Тоҷикистон аз 15-уми сентябри соли 2011, № АП-1729 ва Нақшаи ташкил ва гузаронидани нишастҳои матбуотӣ дар вазорату идораҳо, ташкилоту муассисаҳо, мактабҳои олӣ, ВМКБ, вилоятҳо, шаҳри Душанбе ва шаҳру ноҳияҳои тобеи ҷумҳурӣ оид ба ҷамъбасти соли 2018, ки аз ҷониби Роҳбари Дастгоҳи иҷроияи Президенти Ҷумҳурии Тоҷикистон (11.12.2018, № 26/10-179) тасдиқ шудааст, рӯзи 31-уми январи соли 2019 дар ҳузури намояндагони воситаҳои ахбори омма дар Маркази матбуотии ҷумҳуриявӣ АМИТ “Ховар” нишасти матбуотӣ баргузор кард.
- Диданд: 1032
Душанбе, 28-уми январи соли 2019
Аз 24-ум то 26-уми январи соли 2019 бо фармоиши вазири маориф ва илми Ҷумҳурии Тоҷикистон барои омӯзгорон курси шиносоӣ бо низоми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар сатҳи шаҳру ноҳияҳо гузаронида шуд. Инчунин, тибқи нақшаи фаъолияти Маркази миллии тестии назди Президенти Ҷумҳурии Тоҷикистон (Марказ) аз 28-уми январи соли 2019 то 6-уми марти соли 2019 дар муассисаҳои таълимии таҳсилоти умумии асосӣ, миёнаи умумӣ, ибтидоӣ ва миёнаи касбии шаҳру ноҳияҳои ҷумҳурӣ вохӯриҳои кормандони Марказ (бо фарогирии кормандони муваққатӣ) бо хатмкунандагони муассисаҳои мазкур, падару модарон, омӯзгорон ва алоқамандони дигари низоми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ доир хоҳад гашт.
