Нашр шуд: 07 Июли 2020

Диданд: 1449

Душанбе, 7-уми июли соли 2020

Бинобар роҳ ёфтани ғалати техникӣ дар ҷавоби саволу масъалаҳои субтести биологияи гурӯҳи ихтисосҳои 5-ум (тиб, биология ва варзиш) аз довталабон хоҳиш карда мешавад, ки ҷавобҳои худро аз рӯйи калидҳои ислоҳшуда (аз 07.07.2020) санҷанд.

Нашр шуд: 05 Июли 2020

Диданд: 1480

Душанбе, 5-уми июли соли 2020

Бинобар роҳ ёфтани ғалати техникӣ дар ҷавоби саволу масъалаҳои субтести ҳуқуқи гурӯҳи ихтисосҳои 4-ум (ҷомеашиносӣ ва ҳуқуқ) аз довталабон хоҳиш карда мешавад, ки ҷавобҳои худро аз рӯйи калидҳои ислоҳшуда (аз 05.07.2020) санҷанд.

Нашр шуд: 02 Июли 2020

Диданд: 1151

Душанбе, 2-юми июли соли 2020

Ба таваҷҷуҳи довталабоне, ки дар даври асосии имтиҳонҳои марказонидаи дохилшавӣ – қисми А (имтиҳон дар заминаи таҳсилоти умумӣ) ё қисми Б (имтиҳон дар заминаи таҳсилоти умумии асосӣ) иштирок карда натавонистаанд, расонида мешавад, ки даври иловагии имтиҳонҳо барои чунин довталабон рӯзи 12-уми июл мегузарад.

Нашр шуд: 30 Июни 2020

Диданд: 1078

ЭЪЛОМИЯИ МАТБУОТӢ
Оғози даври асосии имтиҳонҳо – қисмҳои А (имтиҳон дар заминаи таҳсилоти умумӣ)

ва Б (имтиҳон дар заминаи таҳсилоти умумии асосӣ) дар соли 2020

Имрӯз барои довталабони дорои таҳсилоти миёнаи умумӣ (синфи 11-ум), ибтидоӣ ва миёнаи касбии дар марҳалаи асосии бақайдгирӣ (аз 2-юми март то 30-юми апрел) номнависшуда, ки гурӯҳи ихтисосҳои 1-ум (табиӣ ва техникӣ)-ро интихоб кардаанд, имтиҳон дар заминаи таҳсилоти умумӣ – қисми А оғоз гардид. Қисми А аз чор субтест иборат аст, ки барои гурӯҳи ихтисосҳои зикршуда фанҳои забони тоҷикӣ, математика, химия ва физикаро дар бар мегирад. Дар ин қисми имтиҳон довталаб субтести забони тоҷикиро ҳатман ба забони тоҷикӣ ва субтестҳои дигарро, вобаста аз забони имтиҳонсупорӣ, ки ҳангоми бақайдгирӣ интихоб кардааст, ба забони тоҷикӣ ё русӣ месупорад. Барои қисми А 220 дақиқа муқаррар шудааст.