Маркази миллии тестии назди Президенти Ҷумҳурии Тоҷикистон дар ҳамкорӣ бо Вазорати маориф ва илми Ҷумҳурии Тоҷикистон аз 1-уми феврал то 5-уми марти соли 2021 дар муассисаҳои таълимии таҳсилоти умумии асосӣ, миёнаи умумӣ, ибтидоӣ ва миёнаи касбии шаҳру ноҳияҳои ҷумҳурӣ бо хатмкунандагон, падару модарон, омӯзгорон ва дигар алоқамандони низоми имтиҳонҳои марказонидаи дохилшавӣ вохӯриҳо доир мекунанд.

Аз ҷумла, 1-уми феврал дар шаҳри Турсунзода бо иштироки Хуршед Икромӣ, директори Маркази миллии тестии назди Президенти Ҷумҳурии Тоҷикистон, бо хатмкунандагон, падару модарон, омӯзгорон ва дигар алоқамандон ҷамъомад баргузор гардид.

Чорабинии мазкур дар ду муассисаи шаҳри Турсунзода баргузор гардида, дар он корҳои иттилоърасонӣ оид ба ИМД ва дигар масъалаҳои дахлдор, ироа шуд.

Дар вохӯрӣ иштирокчиён ба саволҳои худ аз ҷониби директори Марказ посух гирифтанд.

Қобили зикр аст, ки 30 нафар корманди Марказ барои ташкилу баргузории вохӯриҳо аз 1-ум то 6-уми феврали соли ҷорӣ ба 68 шаҳру ноҳияи ҷумҳурӣ сафарбар карда мешаванд.

Тибқи нақша, дар давоми 6 рӯз кормандони Марказ дар 178 муассисаи таълимӣ бо алоқамандони ИМД вохӯрию мулоқотҳо анҷом медиҳанд.