Нашр шуд: 12 Июли 2021

Диданд: 2792

ЭЪЛОМИЯИ МАТБУОТӢ

Оғози даври иловагии имтиҳонҳо – қисмҳои А (имтиҳон дар заминаи таҳсилоти умумӣ) ва Б (имтиҳон дар заминаи таҳсилоти умумии асосӣ) дар соли 2021

Душанбе, 12-уми июли соли 2021 

Имрӯз барои довталабони дорои таҳсилоти умумии асосӣ (синфи 9-ум), миёнаи умумӣ (синфи 11-ум), ибтидоӣ ва миёнаи касбӣ, ки дар марҳалаи иловагии бақайдгирӣ (аз 10‑ум то 30‑юми июни соли 2021) барои иштирок дар ИМД номнавис карда шуда буданд ва довталабоне, ки дар даври асосии қисми А (имтиҳон дар заминаи таҳсилоти умумӣ – синфи 11-ум) ё қисми Б (имтиҳон дар заминаи умумии асосӣ – синфи 9-ум) иштирок карда натавониста, барои супоридани имтиҳони дахлдор дар даври иловагӣ ба Марказ ариза пешниҳод намудаанд, даври иловагии имтиҳонҳо оғоз гардид. Ҳар ду қисми имтиҳонҳои мазкур (А ва Б) дар як рӯз – 12-уми июл баргузор карда мешавад.

Нашр шуд: 08 Июли 2021

Диданд: 5514

Душанбе, 8‑уми июли соли 2021

Пас аз бозбинӣ ва ислоҳи ғалатҳои техникӣ ҷавобҳои дурусти саволу масъалаҳои тест (калидҳо)-и имтиҳонҳои асосӣ дар шакли нав омода ва дар сомонаи Марказ гузошта шуд. Ба довталабоне, ки ҷавобҳои худро бо калидҳои қаблан дар сомонаи Марказ гузошташуда санҷидаанд, тавсия медиҳем, ки бори дигар ҷавобҳояшонро бо калидҳои рӯзи 08.07.2021 гузошташуда бисанҷанд.

Нашр шуд: 01 Июли 2021

Диданд: 4646

ЭЪЛОМИЯИ МАТБУОТӢ

Оғози даври асосии ИМД – қисмҳои А (имтиҳон дар заминаи таҳсилоти умумӣ) ва Б (имтиҳон дар заминаи таҳсилоти умумии асосӣ) дар соли 2021

Душанбе, 1‑уми июли соли 2021 

Имрӯз – 1‑уми июл даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ – қисмҳои А (имтиҳон дар заминаи таҳсилоти умумӣ) ва Б (имтиҳон дар заминаи таҳсилоти умумии асосӣ) барои дохилшавӣ оғоз гардид. Даври асосии имтиҳонҳо барои довталабони дар марҳалаи асосии бақайдгирӣ (аз 1-уми март то 30-юми апрел) номнависшуда, ки шумораашон 103429 нафарро ташкил медиҳад, муқаррар гардидааст. Аз шумораи зикргардида 91504 нафарашон довталабони дорои таҳсилоти миёнаи умумӣ (синфи 11-ум), ибтидоӣ ва миёнаи касбӣ ва 11925 нафари дигарашон довталабони дорои таҳсилоти умумии асосӣ (синфи 9-ум) мебошанд.

Нашр шуд: 30 Июни 2021

Диданд: 3204

Душанбе, 30-юми июни соли 2021

Ба таваҷҷуҳи довталабоне, ки дар даври асосии имтиҳонҳои марказонидаи дохилшавӣ – қисми А (имтиҳон дар заминаи таҳсилоти умумӣ) ё қисми Б (имтиҳон дар заминаи таҳсилоти умумии асосӣ) иштирок карда наметавонанд, расонида мешавад, ки даври иловагии имтиҳонҳо барои чунин довталабон рӯзи 12-уми июл аст.