Нашр шуд: 27 Марти 2020

Диданд: 803

Душанбе, 27-уми марти соли 2020 

Маркази миллии тестии назди Президенти Ҷумҳурии Тоҷикистон хабар медиҳад, ки нуқтаи сайёри бақайдгирӣ, ки дар заминаи муассисаи таълимии таҳсилоти миёнаи умуми № 20-и ноҳияи Ҷаббор Расулов ташкил гардидааст, аз 26 уми март фаъолиятро оғоз кард. Шахсони хоҳишманди иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли ҷорӣ, ки дар ноҳияи Ҷаббор Расулов зиндагӣ мекунанд ё айни замон дар ин ноҳия мебошанд, инчунин шахсони хоҳишманд аз ноҳияҳои дигари наздик метавонанд худро дар нуқтаи бақайдгирии мазкур номнавис кунанд.

Нашр шуд: 03 Марти 2020

Диданд: 1082

МУРОҶИАТНОМАИ МАХСУСИ
Маркази миллии тестии назди Президенти Ҷумҳурии Тоҷикистон
оид ба пешгирии амалҳои номатлуб дар раванди имтиҳонҳои марказонидаи
дохилшавӣ ба муассисаҳои таълимии таҳсилоти миёна ва олии касбии
Ҷумҳурии Тоҷикистон дар соли 2020

Душанбе, 3-юми марти соли 2020

Маркази миллии тестии назди Президенти Ҷумҳурии Тоҷикистон дар раванди марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2020, ки яке аз давраҳои муҳимми ИМД ба ҳисоб меравад, чун анъанаи солҳои пеш, ба ҳамаи шахсони хоҳишманди иштирок дар ин имтиҳонҳо ва алоқамандони дигари ИМД муроҷиат карда, бо мақсади пешгирӣ аз амалҳои номатлуб ва бовари мардум ба ашхоси қаллоб якчанд нуктаи зеринро таъкид менамояд.

Нашр шуд: 02 Марти 2020

Диданд: 884

Душанбе, 2-юми марти соли 2020

Маркази миллии тестии назди Президенти Ҷумҳурии Тоҷикистон аз рӯзи 2‑юми марти соли 2020 марҳалаи асосии бақайдгирии довталабонро барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2020 (ИМД-2020) оғоз кард.

Нашр шуд: 28 Феврали 2020

Диданд: 918

Душанбе, 28-уми феврали соли 2020

Ба диққати шахсони хоҳишманди иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2020 мерасонем, ки ба нақшаи қабули донишҷӯён ба муассисаҳои таълимии таҳсилоти миёна ва олии касбӣ барои соли таҳсили 2020-2021 баъзе тағйиру иловаҳо ворид гардид. Вобаста ба тағйироти баамаломада баъзе аз ихтисосҳо аз феҳристҳо хориҷ гардида, шумораи ҷойҳои нақшавии чанде аз ихтисосҳои дигар кам ё зиёд шуд. Инчунин, дар нақшаи қабули донишҷӯён якчанд ихтисосҳои нав илова карда шуд.