Душанбе, 9-уми марти соли 2022

Аз 9‑уми марти соли ҷорӣ баъзе аз нуқтаҳои сайёри бақайдгирии довталабон (марҳалаи асосӣ) барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ  кори худро оғоз кард.

Нуқтаҳои сайёр аз рӯзи 9‑ум то 20‑уми марти соли 2022 дар шаҳру ноҳияҳои Норак, Файзобод, Тоҷикобод, Нуробод, Ҷ. Расулов, Шаҳристон, Дӯстӣ, Хуросон, Муъминобод, Темурмалик, Роштқалъа ва Рӯшон фаъолият мекунанд.

Рӯйхати муассисаҳои таълимии таҳсилоти миёнаи умумӣ ва олии касбие, ки дар заминаи онҳо барои бақайдгирии довталабон дар соли 2022 нуқтаҳои бақайдгирӣ, аз ҷумла нуқтаҳои сайёр, ташкил карда шудаанд (https://ntc.tj/images/Downloads/nb-2022.pdf), бо муҳлати фаъолияташон дар сомонаи  Маркази миллии тестии назди Президенти Ҷумҳурии Тоҷикистон гузошта шудааст.

Хоҳишмандон метавонанд дар яке аз нуқтаҳои сайёри бақайдгирии ноҳияҳои интихобгардида, ки барояшон наздик ё мувофиқ аст, худро барои иштирок дар ИМД-2022 сабти ном кунанд. Мувофиқи тартиби муқарраргардида бақайдгирӣ бо ҳузури ҳатмии шахсан довталаб сурат мегирад.

Бояд қайд намоем, нуқтаҳои сайёри бақайдгирӣ доимоамалкунанда набуда, ба хотири дурдаст будани ноҳияҳои номбурда аз нуқтаҳои мазкур таъсис дода шудааст.