Душанбе, 22-юми феврали соли 2022
Ба диққати шахсоне, ки барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2022 аз қайд гузаштан мехоҳанд, расонида мешавад, ки хизматрасонии “Пешномнависӣ” (бақайдгирии пешакӣ тавассути шабакаи Интернет) фаъол гардид.
Шахсони хоҳишманд барои осонии раванди бақайдгирӣ ва сарфаи вақти худу кормандон аз хизматрасонии мазкур (https://prereg.ntc.tj) истифода карда метавонанд.
Хотиррасон мекунем, ки довталаб баъди пешномнависӣ барои расмӣ кардани номнависӣ ба яке аз нуқтаҳои бақайдгирӣ бояд ҳатман ҳозир шавад.
Маълумоти муфассалро дар бораи хизматрасонии “Пешномнависӣ” аз дастури иттилоотию методии “Роҳнамои довталаб”, ки гунаи электронии он дар сомонаи Марказ ҷойгир карда шудааст, метавон дастрас кард.
