Нашр шуд: 15 Майи 2023

Диданд: 1852

Душанбе, 15-уми майи соли 2023

Бо мақсади гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2023 Маркази миллии тестии назди Президенти Ҷумҳурии Тоҷикистон семинарҳои омӯзиширо барои тренерон доир менамояд. Мақсади омода кардани тренерон аз он иборат аст, ки дар даври дуюм тренерони омодашуда кормандони муваққатии марказҳои имтиҳониро меомӯзонанд ва онҳоро барои қабулу гузаронидани имтиҳонҳо тайёр менамоянд.

Нашр шуд: 06 Майи 2023

Диданд: 3967

Душанбе, 6-уми майи соли 2023

Маркази миллии тестии назди Президенти Ҷумҳурии Тоҷикистон хабар медиҳад, ки марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2023‑юм рӯзи 1‑уми май ба анҷом расид.

Нашр шуд: 28 Апрели 2023

Диданд: 3522

Душанбе, 28-уми апрели соли 2023

Ба таваҷҷуҳи шахсони хоҳишманди иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2023 расонида мешавад, ки муҳлати марҳалаи асосии бақайдгирии довталабон барои иштирок дар имтиҳонҳои мазкур то 1-уми май муқаррар карда шуд. Рӯзи якшанбе – 30‑юми апрел низ нуқтаҳои бақайдгирии довталабон фаъолият мекунанд.

Нашр шуд: 14 Апрели 2023

Диданд: 5973

Душанбе, 14-уми апрели соли 2023

14-уми апрели соли 2023 даври ҷумҳуриявии олимпиадаҳо барои хонандагони муассисаҳои таҳсилоти умумӣ оғоз шуд. Он ҳамасола дар 2 самт ба роҳ монда мешавад: фанҳои 1) табиӣ-риёзӣ ва 2) ҷамъиятӣ-гуманитарӣ. Ин даври олимпиада аз рӯйи самти аввал – табиӣ-риёзӣ, ки фанҳои физика, математика, биология, химия ва географияро фаро мегирад, тибқи фармоиши вазири маориф ва илми Ҷумҳурии Тоҷикистон аз  30-юми марти соли 2022, № 370 дар Муассисаи таълимии давлатии “Мактаби байналмилалии Президентӣ” ва аз информатика ва технологияи коммуникатсионӣ  дар Маркази технологияи информатсионӣ ва коммуникатсияи назди раёсати маорифи шаҳри Душанбе баргузор гашт.