Тел: (+99237) 224-53-68, E-mail: office@ntc.tj
- Диданд: 942
20 сентябри соли 2013 дар ноҳияи Ёвони вилояти Хатлон барои мудирони кабинетҳои методии шуъбаҳои маорифи 25 шаҳру ноҳияҳои вилояти Хатлон семинар-машварат доир гардид. Бо даъвати Раёсати маорифи вилоят ҷиҳати муаррифии низоми имтиҳонҳои марказонидашудаи дохилшавӣ (ИМД) ба муассисаҳои таҳсилоти олии касбии Ҷумҳурии Тоҷикистон мутахассисони Муассисаи давлатии “Маркази миллии тестӣ” (ММТ) дар семинар-машварат иштирок намуда, низоми ИМД-ро муаррифӣ намуданд. Муаррифӣ дар шакли электронӣ намоиш дода шуда, ба иштирокчиён оид ба таъсис ва мақсаду вазифаҳои ММТ, хусусиятҳои фарқкунандаи низоми ИМД аз низоми амалкунандаи қабули довталабон, марҳилаҳои асосии ҷорӣ намудани низоми ИМД, бақайдгирии довталабон, супоридани имтиҳонҳо ва тарзи навишти кори хаттии эссе маълумот дода шуд. Ба иштирокчиён маводи иттилоотӣ, аз қабили буклети ММТ ва брошюраи низоми ИМД тақсим карда шуд.
- Диданд: 1382
Бо ташаббуси Вазорати маорифи Ҷумҳурии Тоҷикистон Муассисаи давлатии “Маркази миллии тестӣ” барои роҳбарони муассисаҳои таҳсилоти миёнаи умумӣ (МТМУ)-и шаҳру ноҳияҳои ҷумҳурӣ “Тавсияҳои методӣ оид ба интихоби касб” таҳия намуд.
Мақсади таҳияи дастури мазкур ташкили касбинтихобкунии хонандагон бо дарназардошти қабули донишҷӯён ба муассисаҳои таҳсилоти олии касбӣ (МТОК)-и Ҷумҳурии Тоҷикистон тариқи низоми имтиҳонҳои марказонидашудаи дохилшавӣ (ИМД) мебошад.
Дар дастур мафҳуми касб ва ихтисос, тарзи интихоби касб, пешниҳодот оид ба беҳдошти корҳои касбинтихобкунӣ, интихоби ихтисос аз низоми ИМД, матрисаи интихоби касб ва ғайра дарҷ гардидааст.
Бо истифода аз дастур хатмкунанда имконият дорад, ки аз матрисаи интихоби касб истифода барад.
Маркази миллии тестӣ тасмим гирифтааст, ки дастури мазкурро бо теъдоди 5000 нусха нашр намуда, ба МТМУ тақсим намояд.
Шакли электронии дастур дар сомонаи Маркази миллии тестӣ (www.ntc.tj) ҷой дода шудааст.
- Диданд: 933
16 сентябри соли ҷорӣ дар толори маҷлисгоҳи Вазорати маориф бо иштироки муовинони вазир, сардорони раёсат, мудирони шуъба ва бахшҳои дастгоҳи вазорат, роҳбарони муассиса ва ташкилотҳои тобеи вазорат муаррифии сомонаи расмии Муассисаи давлатии “Маркази миллии тестӣ” (ММТ) доир гардид.
Сардори шуъбаи технологияи иттилоотию коммуникатсионии ММТ Назаров Р.С. суханронӣ намуда, оид ба бахшҳо ва зербахшҳои сомона, ҷойгир намудани иттилоот ва истифодабарии сомона қайд намуд.
- Диданд: 891
Бо ташаббуси Вазорати маорифи Ҷумҳурии Тоҷикистон 12 сентябри соли ҷорӣ дар толори маҷлисгоҳи вазорат бо иштироки муовинони вазири маориф, сардорон ва мутахассисони раёсатҳои кадрҳо ва корҳои махсус, таҳсилоти томактабӣ ва миёнаи умумӣ, таҳсилоти ибтидоӣ ва миёнаи касбӣ, таҳсилоти олии касбӣ ва баъдидипломӣ ва дигар шуъбаҳою бахшҳо муаррифии низоми нави “Имтиҳонҳои марказонидашудаи дохилшавӣ (ИМД) ба муассисаҳои таҳсилоти олии касбӣ (МТОК)-и Ҷумҳурии Тоҷикистон” доир гардид.
- Диданд: 824
Марҳилаҳои низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон:
1. Корҳои фаҳмондадиҳӣ, иттилоотӣ ва ташвиқотию таблиғотӣ дар байни ҷомеа (доимӣ)
2. Муайян намудани тахассусҳо ва ҷойҳои ҷудошуда дар МТОК-и ҷумҳурӣ ва тасдиқи нақшаи қабул (то 01 ноябри соли 2013)
3. Таҳияи дастур барои довталабон (то 01 феврали соли 2014)
4. Бақайдгирии довталабон (аз 1 март то 15 апрели соли 2014)
5. Ирсоли даъватномаҳо ба довталабон (то 31 майи соли 2014)
6. Таҳияи вариантҳои ниҳоии тестҳо ва чоп, бастабандӣ ва дастрасгардонии маводи имтиҳонӣ то марказҳои имтиҳонӣ (то 30 июни соли 2014)
7. Гузаронидани имтиҳонҳои эҷодӣ ва маҳорат (то 30 июни соли 2014)
8. Баргузории имтиҳонҳо (аз 1 то 10 июли соли 2014)
9. Баргузории имтиҳонҳои такрорӣ барои довталабоне, ки бо сабабҳои узрнок дар имтиҳонҳо иштирок карда натавонистанд (15 – 17 июли соли 2014)
10. Эълони натиҷаҳои имтиҳонҳо (01 августи соли 2014)
11. Оғози кори Комиссияи апеллятсионӣ (аз 2 то 9 августи соли 2014)
12. Тақсимоти донишҷӯён ба МТОК-и ҷумҳурӣ (то 10 августи соли 2014)
13. Пешниҳоди рӯйхат ба МТОК-и ҷумҳурӣ (то 15 августи соли 2014)
14. Анҷоми тақсимот ба МТОК (01 сентябри соли 2014)
