Душанбе, 26-уми майи соли 2016

Ба диққати довталабоне, ки рамзи кабинети инфиродии худро фаромӯш кардаанд ё бинобар хато будани рамз ба он ворид шуда наметавонанд, расонида мешавад, ки тартиби барқарор кардани рамз барои воридшавӣ ба кабинети инфиродии довталаб чунин аст.

1. Агар довталаб дар вақти бақайдгирӣ нишонии почтаи электронии худро қайд намуда бошад, он дар маълумоти бақайдгириаш ворид карда мешавад. Бо истифода аз имконияти (пайванди) “Рамзро фаромӯш кардед?” довталаб метавонад рамзи воридшавӣ ба кабинети инфиродии худро барқарор намояд.  Барои муайян кардани ворид карда шудан ё нашудани нишонии почтаи электронии довталаб дар маълумоти бақайдгириаш довталаб бояд ба майдони “Почтаи электронӣ (e-Mail)”-и варақаи бақайдгириаш нигоҳ кунад. Агар дар майдони мазкур нишонии почтаи электронии довталаб қайд гардида бошад, пас, довталаб бояд пайванди “Рамзро фаромӯш кардед?”-ро пахш намояд. Баъд аз пахши ин пайванд довталаб рақами назоратӣ ва нишонии почтаи электрониашро дар майдонҳои дахлдор бояд дохил кунад. Пас аз ин ба почтаи электронии довталаб рамзи муваққатии нав, ки он ба таври худкор (автоматӣ) тартиб дода мешавад, меояд.

2. Агар довталаб дар вақти бақайдгирӣ нишонии почтаи электронии худро нишон надода бошад, зарур аст, ки довталаб барои барқарор кардани рамз барои воридшавӣ ба кабинети инфиродии худ ба Маркази миллии тестии назди Президенти Ҷумҳурии Тоҷикистон ариза пешниҳод намояд. Яке аз роҳҳои осон барои пешниҳоди ариза ба Марказ дар ин хусус истифодаи почтаи электронӣ аст.

Довталаб барои барқарор кардани рамзи кабинети инфиродиаш бояд аз нишонии почтаи электронии худ ба нишонии почтаи электронии Марказ – Этот адрес электронной почты защищен от спам-ботов. У вас должен быть включен JavaScript для просмотра. ё Этот адрес электронной почты защищен от спам-ботов. У вас должен быть включен JavaScript для просмотра. ариза пешниҳод намояд. Хотиррасон менамоем, ки матни ариза дар майдони матни мактуби электронӣ навишта мешавад ва пайваст (прикрепить) кардани файли алоҳида зарур нест. Дар ариза бояд маълумоти зерин дуруст дарҷ карда шавад:

(1) насаб, ном ва номи падари довталаб мувофиқи шиноснома, ки он инчунин дар варақаи бақайдгирии довталаб дарҷ гардидааст;

(2) рақами назоратии довталаб, ки дар варақаи бақайдгирии довталаб навишта шудааст;

(3) нишонии почтаи электронии довталаб барои истифодаи фардӣ, ки он ба пойгоҳи додаҳои бақайдгирӣ дар алоқамандӣ бо рақами назоратии довталаб ворид карда мешавад;

(4) рақами телефон(ҳо)-и фаъоли довталаб, ки дар зарурат ба воситаи он(ҳо) бо довталаб дар тамос шудан мумкин бошад.

Пас аз ворид шудани ариза ба Марказ нишонии почтаи электроние, ки довталаб тавассути он ба Марказ муроҷиат кардааст, дар пойгоҳи додаҳои бақайдгирии Марказ ворид шуда, он ба рақами назоратии довталаб алоқаманд карда мешавад. Сипас ба почтаи электронии довталаб мактуби ҷавобӣ ирсол гардида, дар он маълумоти муфассал дар бораи қадамҳои баъдӣ барои барқарор кардани рамз барои воридшавӣ ба кабинети инфиродиаш дарҷ карда мешавад.

Ба довталабон тавсия медиҳем, ки дастури иттилоотию методии “Роҳнамои довталаб”-ро, ки дар сомонаи Марказ гузошта шудааст, барои огоҳӣ аз мавзӯъҳои гуногун, аз ҷумла истифодаи сомонаи Марказ ва кабинети инфиродӣ мутолиа намоед.