Нашр шуд: 06 Июни 2018

Диданд: 1489

Душанбе, 6-уми июни соли 2018

Ба таваҷҷуҳи шахсоне, ки дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2018 иштирок кардан мехоҳанду лекин худро дар марҳалаи асосии бақайдгирӣ (аз 1-уми март то 30-юми апрел) номнавис карда натавонистаанд, расонида мешавад, ки марҳалаи иловагии бақайдгирии довталабон барои иштирок дар ин имтиҳонҳо аз 12-уми июн оғоз мегардад. Марҳалаи иловагии бақайдгирии довталабон дар нуқтаҳои бақайдгирии танҳо шаҳри Душанбе, ки нишонии онҳо дар зер оварда шудааст, то 30‑юми июн ба роҳ монда мешавад.

Нашр шуд: 05 Июни 2018

Диданд: 1397

Душанбе, 5-уми июни соли 2018

Ба таваҷҷуҳи довталабон мерасонем, ки баъд аз ҷамъбасти марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2018 ҷадвалҳои баргузории имтиҳонҳо (даврҳои асосӣ ва иловагӣ) – қисмҳои А (имтиҳони умумӣ), Б (имтиҳони ихтисос), В (имтиҳонҳои эҷодӣ ва маҳорати махсус) ва Г (имтиҳонҳои иловагии тахассусӣ) дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2018 тасдиқ гардид.

Нашр шуд: 01 Июни 2018

Диданд: 1575

Душанбе, 1-уми июни соли 2018

Бинобар қатъ гардидани фаъолияти ширкати хизматрасони ирсоли паёмакҳо (SMS) бо истифода аз рақами кӯтоҳи 1617 аз 1-уми июни соли 2018 хизматрасонии паёмакҳо (SMS)-и пулакӣ муваққатан дастнорас мегардад.

То имрӯз хизматрасонии мазкур бо ирсоли паёмак (матни иборат аз пешванди “p” ва рақами назоратии довталаб (масалан, p9099181104356)) ҷиҳати барқарор кардани рамзи муваққатӣ барои воридшавӣ ба кабинетҳои инфиродӣ истифода мешуд. Мутахассисони Марказ барои ҳалли ин мушкилот чораҳои зарурӣ андешида истодаанд. Вобаста ба барқарор гардидани ин хизматрасонӣ эълон дар ҳамин сомона нашр карда хоҳад шуд.

Нашр шуд: 29 Майи 2018

Диданд: 1318

Душанбе, 29-уми майи соли 2018

Дар доираи корҳои омодагӣ барои гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2018 Маркази миллии тестии назди Президенти Ҷумҳурии Тоҷикистон семинарҳои омӯзиширо барои кормандони муваққатӣ: роҳбар ва ёвари роҳбари маркази имтиҳонӣ, маъмур ва маъмури калони имтиҳон, бақайдгирандаи маркази имтиҳонӣ оғоз кард.