Нашр шуд: 26 Феврали 2019

Диданд: 1209

Душанбе, 26-уми феврали соли 2019

Ба таваҷҷуҳи шахсоне, ки соли 2019 дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ иштирок кардан мехоҳанд, расонида мешавад, ки хизматрасонии “Пешномнависӣ” дар сомонаи Марказ (http://prereg.ntc.tj) фаъол гардид.

Нашр шуд: 25 Феврали 2019

Диданд: 9462

Душанбе, 25-уми феврали соли 2019

Ба диққати шахсоне, ки аз маҷмӯаҳои саволу масъалаҳои тести аз ҷониби Марказ дар соли 2019 нашршуда истифода карда истодаанд, расонида мешавад, ки ҷавобҳои дуруст (калидҳо)-и саволу масъалаҳои ҳар яке аз маҷмӯаҳо дар сомонаи Марказ (http://ntc.tj/tj/ba-dovtalab/namunai-test/789-namunai-savolu-masalahoi-test2019.html) ҷойгир карда шудаанд.

Нашр шуд: 22 Феврали 2019

Диданд: 1093

Душанбе, 22-юми феврали соли 2019

Дар толори Маркази миллии тестии назди Президенти Ҷумҳурии Тоҷикистон бо иштироки намояндагони Агентии назорати давлатии молиявӣ ва мубориза бо коррупсияи Ҷумҳуриии Тоҷикистон ҷаласа баргузор гардид, ки дар рӯзномаи он масъалаҳои марбут ба мубориза бо коррупсия ҷой дошт. Ҷаласа тибқи банди якуми Нақшаи чорабиниҳои барномаи идоравии зиддикоррупсионии Маркази миллии тестии назди Президенти Ҷумҳурии Тоҷикистон барои солҳои 2018-2020 оид ба “Стратегияи муқовимат бо коррупсия дар Ҷумҳурии Тоҷикистон барои солҳои 2013-2020” доир гардид.

Нашр шуд: 18 Феврали 2019

Диданд: 987

Душанбе, 18-уми феврали соли 2019

Ба таваҷҷуҳи онҳое, ки барои иштирок дар имтиҳонҳои марказонидаи дохилшавӣ аз қайд гузаштан мехоҳанд, расонида мешавад, ки бояд ҳангоми интихоби ихтисосҳои тиббӣ бо номгӯйи бемориҳое, ки шахсони ба онҳо мубталогашта аз рӯйи баъзе ихтисосҳои тиббӣ ҳуқуқи таҳсил карданро дар муассисаҳои таълимии таҳсилоти миёна ва олии касбӣ надоранд, шинос шаванд. Рӯйхати чунин бемориҳо, ки онро Ҳукумати Ҷумҳурии Тоҷикистон муайян кардааст (аз 25-уми сентябри соли 2018, № 475), дар нуқтаҳои бақайдгирӣ ва сомонаи Марказ гузошта шудааст (замимаи 5-ум дар “Роҳнамои довталаб”). Таъкид менамоем, ки дар ҳолати гирифтории довталаб ба яке аз ин бемориҳо муассисаи таълимӣ ҳуқуқи қабули ӯро надорад.