Нашр шуд: 14 Июни 2020

Диданд: 1715

Ҷадвали баргузории имтиҳонҳо (қисмҳои А, Б ва В)

Душанбе, 15-уми июни соли 2020

Ба таваҷҷуҳи довталабон мерасонем, ки ҷадвали баргузории даврҳои асосӣ ва иловагии имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон – қисмҳои А (имтиҳон дар заминаи таҳсилоти умумӣ), Б (имтиҳон дар заминаи таҳсилоти умумии асосӣ) ва В (имтиҳонҳои эҷодӣ ва маҳорати махсус) дар соли 2020 дар сомонаи Маркази миллии тестии назди Президенти Ҷумҳурии Тоҷикистон ҷойгир карда шуд.

Нашр шуд: 13 Июни 2020

Диданд: 1388

МАРКАЗҲОИ ИМТИҲОНӢ БАРОИ БАРГУЗОРИИ ИМД-2020

Душанбе, 13-уми июни соли 2020

Ба диққати довталабоне, ки дар марҳалаи асосии бақайдгирӣ (аз 2-юми март то 30-юми апрел) барои иштирок дар имтиҳонҳои марказонидаи дохилшавӣ дар соли 2020 аз қайд гузаштаанд, расонида мешавад, ки рӯйхати муассисаҳои таҳсилоти миёнаи умумие, ки дар заминаи онҳо барои баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2020 марказҳои имтиҳонӣ ташкил карда мешаванд, дар сомонаи Марказ ҷой дода шудааст. Ин рӯйхат нишонии ҳар як муассисаи таълимии дар заминаи он маркази имтиҳонӣ ташкилшаванда ва нуқтаи роҳнамо (ориентир)-ро фаро мегирад.

Нашр шуд: 10 Июни 2020

Диданд: 1387

СЕМИНАРҲОИ ОМӮЗИШӢ БАРОИ КОРМАНДОНИ МУВАҚҚАТИИ

МАРКАЗҲОИ ИМТИҲОНӢ

Душанбе, 10-уми июни соли 2020

Маркази миллии тестии назди Президенти Ҷумҳурии Тоҷикистон бо мақсади омодагӣ ба ташкилу баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2020 семинарҳои омӯзиширо барои кормандони муваққатии марказҳои имтиҳонӣ: роҳбарон, ёварони роҳбарон, маъмурони калон, маъмурони имтиҳон ва бақайдгирандагон аз 8-уми июн оғоз кард.

Нашр шуд: 08 Июни 2020

Диданд: 1897

МАРҲАЛАИ ИЛОВАГИИ БАҚАЙДГИРӢ ВА АЗНАВБАҚАЙДГИРӢ

Душанбе, 8-уми июни соли 2020

Ба таваҷҷуҳи хоҳишмандони иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ (ИМД) дар соли 2020, ки худро дар марҳалаи асосии бақайдгирӣ (аз 2-юми март то 30-юми апрел) номнавис карда натавонистаанд, расонида мешавад, ки бо дарназардошти вазъи марбут ба пандемияи COVID-19 бамиёномада вобаста ба муҳлат ва макони баргузории марҳалаи иловагии бақайдгирии довталабон барои иштирок дар ИМД тағйирот ба амал омад.