Нашр шуд: 20 Майи 2019

Диданд: 1030

Душанбе, 20-уми майи соли 2019

Бо мақсади омодагӣ ва гузаронидани имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ дар соли 2019 Маркази миллии тестии назди Президенти Ҷумҳурии Тоҷикистон семинарҳои омӯзиширо барои тренерони кормандони муваққатӣ оғоз кард. Чунин семинар-машваратҳо аз 20-ум то 21-уми майи соли 2019 дар шаҳри Душанбе дар муассисаи таҳсилоти умумии № 100 барои намояндагони шаҳри Душанбе, шаҳру ноҳияҳои тобеи ҷумҳурӣ ва Вилояти Мухтори Кӯҳистони Бадахшон бо иштироки 18 нафар шунаванда, аз 23-ум то 24-уми май дар шаҳри Хуҷанд дар муассисаи таълимии гимназияи № 1 барои намояндагони шаҳру ноҳияҳои вилояти Суғд бо иштироки 14 нафар шунаванда, аз 23-ум то 24-уми май дар шаҳри Бохтар дар муассисаи таҳсилоти умумии № 12 барои намояндагони шаҳру ноҳияҳои водии Вахши вилояти Хатлон бо иштироки 9 нафар шунаванда ва дар шаҳри Кӯлоб дар муассисаи таҳсилоти умумии № 51 барои намояндагони шаҳру ноҳияҳои минтақаи Кӯлоби вилояти Хатлон бо иштироки 8 нафар шунаванда баргузор мегардад.

Нашр шуд: 17 Майи 2019

Диданд: 1138

Душанбе, 17-уми майи соли 2019

Гурӯҳи кории Маркази миллии тестии назди Президенти Ҷумҳурии Тоҷикистон дар ҳамкорӣ бо Маркази ҳамкориҳои байналмилалӣ оид ба рушди маориф (CICED)-и Федератсияи Русия дар рӯзҳои 16-ум-17-уми моҳи майи соли 2019-ум дар байни хонандагони синфи 4-уми муассисаҳои таълимии таҳсилоти миёнаи умумии шаҳри Душанбе озмоиши “Абзори арзёбии дастовардҳои таълимии хонандагони синфҳои ибтидоӣ” (SAM)-ро аз фанни математика гузаронд. Дар озмоиш зиёда аз 1000 нафар хонандагони синфҳои 4-ум аз 17 муассисаҳои таълимии таҳсилоти миёнаи умумии шаҳри Душанбе иштирок намуданд.

Нашр шуд: 08 Майи 2019

Диданд: 1044

Душанбе, 8-уми майи соли 2019

Тибқи талаботи банди 12-уми ”Тартиби интихоби муассисаҳои таълимии дар заминаи онҳо нуқтаҳои бақайдгирӣ ва марказҳои имтиҳонӣ ташкилшаванда” комиссияи таъсисдодаи Маркази миллии тестии назди Президенти Ҷумҳурии Тоҷикистон барои баррасӣ, арзёбӣ, интихоб ва қабули муассисаҳои таълимӣ ҷиҳати ташкили марказҳои имтиҳонӣ аз 65 муассисаҳои таълимӣ дидан намуд. Тибқи натиҷаҳои арзёбӣ рӯйхати 47 муассисаи таълимӣ барои ташкили марказҳои имтиҳонӣ дар соли 2019 ҷиҳати тасдиқ ба Вазорати маориф ва илми Ҷумҳурии Тоҷикистон пешниҳод карда мешавад.

Нашр шуд: 30 Апрели 2019

Диданд: 1117

Душанбе, 30‑юми апрели соли 2019

Олимпиадаи ҷумҳуриявии даставӣ байни хонандагони литсей ва мактабҳои президентӣ барои хонандагони болаёқат аз фанҳои равияҳои табиӣ-риёзӣ ва ҷамъиятӣ-гуманитарӣ рӯзи 27-уми апрели соли 2019-ум дар Муассисаи таълимии давлатии “Мактаби байналмилалии президентӣ” дар шаҳри Душанбе доир карда шуд. Олимпиадаи мазкурро Маркази миллии тестии назди Президенти Ҷумҳурии Тоҷикистон дар ҳамкорӣ бо Вазорати маориф ва илми Ҷумҳурии Тоҷикистон ва Маркази ҷумҳуриявии дарёфт ва рушди истеъдодҳо баргузор намуд.