Нашр шуд: 04 Июли 2018

Диданд: 1355

ЭЪЛОН

Тартиби пешниҳоди ариза барои довталабоне, ки дар имтиҳон (имтиҳонҳо) (даври асосӣ) иштирок карда натавониста, хоҳиши иштирок дар даври иловагии имтиҳонҳоро доранд

Душанбе, 4-уми июли соли 2018

Ба таваҷҷуҳи довталабоне, ки дар давр(ҳо)-и асосии имтиҳонҳои марказонидаи дохилшавӣ – қисми А (имтиҳони умумӣ) ва (ё) қисми Б (имтиҳони ихтисос) ва (ё) қисми Е (кори хаттӣ (эссе)) иштирок карда натавонистаанд, расонида мешавад, ки даври иловагии имтиҳонҳо барои чунин довталабон аз 18-ум то 20-уми июл ба роҳ монда мешавад.

Муфассал...

Нашр шуд: 01 Июли 2018

Диданд: 1160

ЭЪЛОМИЯИ МАТБУОТӢ

Оғози даври асосии имтиҳонҳо – қисми А (имтиҳони умумӣ) ва қисми Б (имтиҳони ихтисос) дар соли 2018

Душанбе, 1-уми июли соли 2018

Имрӯз барои довталабони гурӯҳи ихтисосҳои 1-ум (табиӣ ва техникӣ) имтиҳони умумӣ – қисми А, ки супоридани он барои ҳамаи довталабон, новобаста аз ихтисосҳои интихобкардаашон, ҳатмӣ аст, оғоз гардид. Ёдрас мекунем, ки қисми А аз се субтест (забони тоҷикӣ; математика; таърихи халқи тоҷик ва асосҳои давлат ва ҳуқуқ) иборат аст. Дар ин қисми имтиҳон довталаб субтести забони тоҷикиро ҳатман бо забони тоҷикӣ ва субтестҳои дигарро, вобаста аз забони имтиҳонсупорӣ, ки ҳангоми бақайдгирӣ интихоб кардааст, бо забони тоҷикӣ ё русӣ месупорад. Барои ҷавоб додан ба саволҳо ва ҳалли масъалаҳои се субтести қисми А 180 дақиқа муқаррар шудааст.

Муфассал...

Нашр шуд: 29 Июни 2018

Диданд: 973

Душанбе, 29-уми июни соли 2018

Дар толори маҷлисгоҳи Вазорати маориф ва илми Ҷумҳурии Тоҷикистон бо иштироки муовини аввали вазири маориф ва илм Мирбобоев Р. М. ва намоянда аз Прокуратураи генералии Ҷумҳурии Тоҷикистон Наботов М., инчунин аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон Турсунзода Ш. директори Марказ Икромӣ Х. ва муовини якуми Марказ Ҷаъфаров Ф. ҷаласаи машваратӣ бо шахсони масъули роҳбарикунандаи ташкил, баргузорӣ ва назорати имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2018 дар марказҳои имтиҳонӣ баргузор гардид. Ҷаласаро муовини аввали вазири маориф ва илм Мирбобоев Р. ифтитоҳ карда, қайд намуд, ки баргузории имтиҳонҳои марказонидаи дохилшавӣ аз ҷумлаи чорабиниҳое мебошад, ки нигоҳи тамоми қишрҳои ҷомеа ба он нигаронида мешавад. Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон, Маркази миллии тестиро ҳамчун низоми таъминкунандаи шафофият, адолат ва арзёбии баробари донишу маҳорати довталабон дар имтиҳонҳо эътироф намуда, инро дар баромадҳояшон қайд менамоянд.

Муфассал...

Нашр шуд: 26 Июни 2018

Диданд: 942

Душанбе, 26-уми июни соли 2018

Дар Маркази миллии тестии назди Президенти Ҷумҳурии Тоҷикистон барои намояндагони ваколатдори Маркази миллии тестии назди Президенти Ҷумҳурии Тоҷикистон дар марказҳои имтиҳонӣ семинари омӯзишӣ гузаронида шуд. Баъди арзёбии донишу маҳораташон шахсони дар семинар ширкатварзида ба марказҳои имтиҳонӣ барои назорати ташкилу гузаронидани имтиҳонҳо, дар баробари кормандони Марказ, аз 1-уми июл то 13-уми июл сафарбар карда хоҳанд шуд. Намояндагони ваколатдори Марказ барои назорати рафти имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии ҷумҳурӣ ва тибқи тартиботи муқарраршуда доир намудани он уҳдадоранд.

Муфассал...