Тел: (+99237) 224-53-68, E-mail: office@ntc.tj
- Диданд: 979
Парчам аз замонҳои бостон ҳамчун яке аз рамзҳои муҳимтарини давлатдорӣ ҳисобида мешуд. Он баёнгари арзишмандтарин нишонаҳои фарҳанги ҳар як халқу миллат, масири таърихии сипарикарда ва рамзи истиқлоли ҳар давлат аст.
Дар ҷаҳони муосир доштани парчами миллӣ нишони истиқлол, яке аз рамзҳои асосии давлатдорӣ ва ваҳдати миллӣ мебошад, яъне давлати муосир тавассути парчами он муаррифӣ мегардад.
Парчами миллии тоҷикон намоде аз таърихи чандинҳазорсолаи он ва давлату давлатдориаш мебошад. Мо, тоҷикон, тибқи маъхазҳои таърихӣ, ҳамчун поягузорони тамаддуни башарӣ дорои собиқаи хеле қадими парчамдорием ва оини парчамсозиву парчамдориро арҷ мегузоштем. Парчам рамзи ваҳдату иттиҳоду ягонагӣ ва ҳамдилию сарҷамъии халқу миллатамон буд.
- Диданд: 938
Душанбе, 16-уми ноябри соли 2022
Ҳадаф аз ҷамъомади кунунии мо қайд, ёдоварӣ ва бузургдошти 2 сана, 2 рӯзи барои халқу миллати тоҷик басо муҳим ва таърихӣ аст, ки ҳамчун ид арҷгузорию таҷлил карда мешавад. Инҳо Иҷлосияи 16-уми Шӯрои Олии Ҷумҳурии Тоҷикистон ва Рӯзи Президенти Ҷумҳурии Тоҷикистон ҳастанд, ки дар саросари мамлакат ҷашн гирифта мешаванд.
- Диданд: 1218
Душанбе, 4-уми ноябри соли 2022
4-уми ноябри соли 2022 дар маҷлисгоҳи дафтари асосии Маркази миллии тестии назди Президенти Ҷумҳурии Тоҷикистон бо иштироки директори Марказ муҳтарам Ҷаъфарзода Сабзалӣ Файзалӣ, муовини якуми директор, воҳидҳои сохторӣ ва дигар кормандони Марказ ба муносибати Рӯзи Конститутсияи Ҷумҳурии Тоҷикистон ҷаласаи тантанавӣ баргузор гардид.
- Диданд: 1319
Душанбе, 2-юми ноябри соли 2022
Маркази миллии тестии назди Президенти Ҷумҳурии Тоҷикистон баргузории имтиҳонҳои озмоиширо тибқи нақша давом дода истодааст. Бояд қайд намуд, ки Марказ аз 22-юми октбяри соли 2022 имтиҳонҳои озмоиширо дар зиёда аз 300 муассисаи таҳсилоти миёнаи умумии ҷумҳурӣ баргузор менамояд. Дар ин замина 1-уми ноябри соли 2022 дар муассисаи таҳсилоти миёнаи умумии № 33-и шаҳри Ваҳдат, муассисаҳои таҳсилоти миёнаи умумии №№15, 74, 76, 50, 46, 77, 123, 86, 127, 72, 142, 87-и ҷамоати Ромит ва муассисаи таҳсилоти миёнаи умумии № 42-и шаҳри Кӯлоб бо иштироки 175 хатмкунанда имтиҳонҳои озмоишӣ гузаронида шуд.
- Диданд: 1195
Имрӯзҳо мушкилоти коррупсионӣ дар соҳаҳои гуногуни фаъолияти ҳокимияти давлатӣ ва идоракунӣ хусусияти умумиҷаҳонӣ пайдо кардааст. Омилҳои коррупсионӣ таҳдиди мустақим ба амнияти миллӣ буда, ба рушди институтҳои ҷомеаи шаҳрвандӣ, амалӣ намудани ҳуқуқҳои конститутсионии шаҳрвандон дар соҳаи тандурустӣ, ҳифзи иҷтимоӣ, муносибатҳои моликият, илму маориф халал мерасонад. Илова бар ин, фасод аз ҳама бештар ба рушди иқтисод, низоми молӣ ва дар маҷмуъ, ба тамоми зерсохторҳои давлати азизамон, Тоҷикистон, таъсири манфӣ мерасонад. Бояд қайд намуд, ки аз ибтидои дигаргунсозиҳои иҷтимоию иктисодӣ дар мамлакати мо муқовимат бо коррупсия ҳам дар системаи ҳокимияти давлатӣ ва чи дар қисмҳои алоҳидаи он эълон карда шудааст. Мутобиқи моддаи 1 Қонуни Ҷумҳурии Тоҷикистон «Дар бораи мубориза бар зидди коррупсия» муқаррар гардидааст, ки коррупсия кирдор (ҳаракат ё беҳаракатӣ)-и шахсони ба иҷрои вазифаҳои давлатӣ ваколатдор ё шахсони ба онҳо баробаркардашуда бо истифода аз мақоми худ ва имкониятҳои он барои ба манфиати худ ё шахсони дигар ғайриқонунӣ ба даст овардани неъматҳои моддию ғайримоддӣ, бартарият ва имтиёзҳои дигар содир менамояд. Хурсандиовар аст, ки бо мақсади мубориза бар зидди ҳолатҳои коррупсионӣ дар Ҷумҳурии Тоҷикистон стратегияҳо ва барномаҳои гуногун қабул карда шудааст.
Эълонҳо
Хизматрасонии "Худро бисанҷ"
Кабинети инфиродӣ
