Душанбе, 12-уми декабри соли 2024
Маркази миллии тестии назди Президенти Ҷумҳурии Тоҷикистон бо мақсади роҳнамоии довталабоне, ки дар давраи чоруми бақайдгирӣ (аз 29-уми октябр то 7-уми декабри соли 2024) барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар соли 2024 аз рӯйи шакли ғоибона ва фосилавии таҳсил аз қайд гузаштаанд, рӯйхати муассисаҳои таҳсилоти миёнаи умумиеро, ки дар заминаи онҳо барои баргузории имтиҳонҳои мазкур марказҳои имтиҳонӣ ташкил карда мешаванд, дар сомонаи худ ҷойгир кард. Ин рӯйхат нишонии ҳар як муассисаи таълимии дар заминаи он маркази имтиҳонӣ ташкилшаванда ва нуқтаи роҳнамо (ориентир)-ро фаро мегирад.
Тибқи рӯйхати мазкур, ки дар асоси таҳлили шумораи умумии довталабони дар давраи чоруми номнависӣ азқайдгузашта вобаста аз шаҳру ноҳияҳо ҷиҳати таъмини дастрасии осони довталабон таҳия гардидааст, барои имтиҳонсупории довталабон дар 10 шаҳру ноҳияи ҷумҳурӣ 11 маркази имтиҳонӣ ташкил карда мешавад.
Хотиррасон мекунем, ки нусхаи электронии даъватномаи довталаб дар кабинети инфиродияш ҷойгир карда, инчунин дар бораи макон замони имтиҳонсупорӣ ба довталаб паёмаки телефонӣ (SMS) фиристода шуд. Маълумоти мушаххас дар бораи макон ва замони имтиҳонсупории ҳар як довталаб дар даъватномааш қайд шудааст. Ин маълумот барои довталабон дар кабинети инфиродияшон низ дастрас аст.
Ба довталабон тавсия медиҳем, ки пас аз дастрас кардани даъватнома дар бораи нишонӣ ва нуқтаи роҳнамои маркази имтиҳоние, ки дар даъватномаашон нишон дода шудааст, аз рӯйхати зикргардида маълумот гирифта, бо макони имтиҳонсупориашон пешакӣ шинос шаванд, то ки дар рӯзи имтиҳон дар ёфтани маркази имтиҳонӣ ба мушкил дучор нагарданд.
Таваҷҷуҳ: Даври чоруми ИМД 2024 рӯзи 15-уми декабри соли 2024 баргузор мегардад. Вақти оғози имтиҳон соати 10:00 аст. Довталаб бояд ба маркази имтиҳонӣ 1 соату 30 дақиқа пеш аз оғози имтиҳон бо шиноснома ё ҳуҷҷати дигари тасдиқкунандаи шахсияташ (бо муҳр ва сурат) ва ду ручкаи одии рангаш сиёҳ ҳозир шавад.
Лозим ба таъкид аст, ки бо худ даъватнома доштан барои воридшавии довталабон ба маркази имтиҳонӣ ҳатмӣ нест. Кофист, ки довталаб дар бораи макон ва замони имтиҳонсупориаш маълумот дошта бошад.
РӮЙХАТИ
муассисаҳои таълимии таҳсилоти миёнаи умумие, ки дар заминаи онҳо марказҳои имтиҳонӣ барои баргузории даври 4-уми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли 2024 ташкил карда мешаванд
|
Р.т. |
Маркази имтиҳонӣ / муассисаи таълимӣ |
Нуқтаи роҳнамо (ориентир) |
|
|
I |
шаҳри ДУШАНБЕ |
||
|
1 |
01/01 |
Муассисаи таълимии таҳсилоти миёнаи умумии № 25-и ба номи Убайд Раҷаб (ш. Душанбе, н. Сино, кӯч. Исмоили Сомонӣ, 59) |
Назди беморхонаи Қарияи Боло |
|
2 |
01/02 |
Муассисаи таълимии таҳсилоти миёнаи умумии № 100 (ш. Душанбе, н. Шоҳмансур, кӯч. Назаршоев, 17) |
Дар шафати Маркази савдои “Ёқут-2000” |
|
II |
Ноҳияҳои тобеи марказ |
||
|
3 |
01/03 |
Муассисаи таълимии таҳсилоти миёнаи умумии № 1 ба номи Х. Абдулхайров (н. Рашт, шаҳраки Ғарм, кӯч. И .Сомонӣ, 27) |
Шаҳраки Ғарм |
|
III |
шаҳри ХУҶАНДи вилояти СУҒД |
||
|
4 |
02/01 |
Муассисаи таълимии таҳсилоти миёнаи умумии № 2-и ба номи Зайниддин Осимӣ (в. Суғд, ш. Хуҷанд, кӯч. Мадади Сино, 5) |
Маҳаллаи Бофанда (Шелкомбинат) |
|
5 |
02/02 |
Муассисаи таълимии таҳсилоти миёнаи умумии № 19 (в. Суғд, ш. Хуҷанд, маҳаллаи 12-ум) |
Назди тарабхонаи “Шоҳин” |
|
IV |
шаҳри ПАНҶАКЕНТи вилояти СУҒД |
||
|
6 |
02/03 |
Муассисаи таҳсилоти миёнаи умумии № 1-и ба номи И.П.Рапин (в. Суғд, ш. Панҷакент, кӯчаи Д.Бобораҷабов, 37) |
Назди боғчаи бачагонаи № 7 |
|
V |
шаҳри БОХТАРи вилояти ХАТЛОН |
||
|
7 |
03/01 |
Муассисаи таълимии таҳсилоти миёнаи умумии № 9-и ба номи А. У. Муминов (в. Хатлон, ш. Бохтар, кӯч. Кайҳоннавардон, 22) |
Дар шафати кохи Лоҳутӣ |
|
VI |
шаҳри КӮЛОБи вилояти ХАТЛОН (15 синфхонаи имтиҳонӣ) |
||
|
8 |
03/02 |
Муассисаи таълимии таҳсилоти миёнаи умумии № 1-и ба номи В. П. Чкалов (в. Хатлон, ш. Кӯлоб, кӯч. И. Сомонӣ, 40) |
Рӯ ба рӯйи боғи фарҳангӣ |
|
VII |
ноҳияи ДАНҒАРАи вилояти ХАТЛОН |
||
|
9 |
03/03 |
Муассисаи таълимии таҳсилоти миёнаи умумии № 4 (в. Хатлон, н. Данғара, кӯч. Исмат Шариф) |
Дар шафати идораи хоҷагии ҳифзи ҷангал |
|
VIII |
шаҳри ХОРУҒи ВИЛОЯТИ МУХТОРИ КӮҲИСТОНИ БАДАХШОН |
||
|
10 |
04/01 |
Муассисаи таълимии давлатии “Мактаби Президентӣ барои кӯдакони болаёқат дар шаҳри Хоруғи Вилояти Мухтори Кӯҳистони Бадахшон” (ВМКБ, ш. Хоруғ, кӯч. Шоҳқирғизов, 11) |
Дар маркази шаҳр
|
|
IX |
ноҳияи ДАРВОЗи ВИЛОЯТИ МУХТОРИ КӮҲИСТОНИ БАДАХШОН |
||
|
11 |
04/02 |
МТТМУ № 1 ба номи Олими Кабир (ВМКБ, н. Дарвоз, кӯч. Саидҷон Носиров) |
Дар маркази ноҳия |
