Нашр шуд: 08 Январи 2016

Диданд: 1187

Маркази миллии тестии назди

Президенти Ҷумҳурии Тоҷикистон

ЭЪЛОН

дар бораи озмуни интихоби бақайдгирандагони нуқтаҳои бақайдгирӣ

Душанбе, 8-уми январи соли 2016

Вазифа:  бақайдгирандаи нуқтаи бақайдгирӣ (104 ҷой)

Муҳлат: 35 (сию панҷ) рӯз (аз 1-уми март то 15-уми апрел бо имкони тамдид)

Макони иҷрои вазифа: ш. Душанбе - 24 нафар,  ш. Ваҳдат - 2 нафар,  ш. Турсунзода - 2 нафар, н. Рашт - 4 нафар, н. Рӯдакӣ - 2 нафар, н. Ҳисор - 2 нафар,  ш. Хуҷанд - 8 нафар, ш. Истаравшан - 4 нафар, ш. Исфара - 2 нафар, ш. Конибодом - 2 нафар, ш. Панҷакент - 2 нафар, н. Ашт - 2 нафар, н. Б. Ғафуров - 4 нафар, ш. Қӯрғонтеппа - 12 нафар, ш. Кӯлоб - 6 нафар, н. Восеъ - 4 нафар, н. Данғара - 2 нафар, н. Ёвон - 4 нафар, н. Фархор - 2 нафар, н. Шаҳритус - 4 нафар, н. Ҳамадонӣ - 2 нафар, н. Ҷ. Румӣ - 4 нафар, ш. Хоруғ - 4 нафар.

Нашр шуд: 31 Декабри 2015

Диданд: 937

Душанбе, 31-уми декабри соли 2015

Ба диққати онҳое, ки хоҳиши омода шудан ба имтиҳонҳои марказонидаи дохилшавӣ – 2016‑ро доранд, расонида мешавад, ки маҷмӯаҳои саволу масъалаҳои тест дар сомонаи Марказ нашр гардид.

Маҷмӯаҳои саволу масъалаҳои тест намунаҳо аз тестҳои солҳои 2014–2015-ро дар бар мегирад. Хотиррасон менамоем, ки то 15%-и саволномаҳои тести ҳар фанни имтиҳон дар соли 2016 аз маҷмӯаҳои мазкур такроран истифода мешавад.

Нашр шуд: 25 Декабри 2015

Диданд: 1146

Душанбе, 25 уми декабри соли 2015

Маркази миллии тестии назди Президенти Ҷумҳурии Тоҷикистон дар ҳамкорӣ бо Вазорати маориф ва илми Ҷуҳурии Тоҷикистон ва бо дастгирии молиявии Ҷамъияти олмонӣ оид ба ҳамкориҳои байналмилалӣ (GIZ) 10 уми декабри соли ҷорӣ дар 105 муассисаи таълимии таҳсилоти умумии асосӣ ва миёнаи умумии кишвар озмоиши воситаҳои арзёбии дастовардҳои хонандагони синфҳои 5 умро баргузор кард. Аз ҷумла, дар шаҳри Душанбе 10, дар вилояти Суғд 37, дар вилояти Хатлон 42, дар Вилояти Мухтори Кӯҳистони Бадахшон 1 ва дар шаҳру ноҳияҳои тобеи ҷумҳурӣ 25 гимназия, литсей ва муассисаи таҳсилоти миёнаи умумӣ ба озмоиш шомил буданд. Озмоиш дар маҷмӯъ 2699 хонандаро, ки аз он 110 нафарашон хонандагони таҳсилашон забони русӣ буд, дар бар гирифт.

Нашр шуд: 23 Декабри 2015

Диданд: 918

Душанбе, 23-юми декабри соли 2015

Корҳои иттилоърасонӣ барои омодагӣ ба ИМД-2016 аз моҳи ноябри соли ҷорӣ шурӯъ гардид. То имрӯз кормандони Маркази миллии тестии назди Президенти Ҷумҳурии Тоҷикистон дар як қатор муассисаҳои таҳсилоти миёнаи умумии ноҳияҳои шаҳри Душанбе ва шаҳру ноҳияҳои тобеи ҷумҳурӣ корҳои иттилоърасониро анҷом доданд. Чорабиниҳои мазкур бо мақсади дар сатҳи баланди ташкилӣ баргузор намудани имтиҳонҳои марказонидаи дохилшавӣ ба муассисаҳои таҳсилоти миёна ва олии касбӣ дар соли 2016 бо иштироки роҳбарон, омӯзгорон  ва хатмкунандагони муассисаҳои таълимӣ созмон дода шуданд.