Душанбе, 2-юми марти соли 2017

Бо мақсади сабукӣ додан ба довталабон тартиби пешниҳоди ҳуҷҷатҳо барои гирифтани имтиёзҳо дар имтиҳонҳои марказонидаи дохилшавӣ (ИМД) ба муассисаҳои таълимии таҳсилоти миёна ва олии касбӣ барои шахсоне, ки дар соҳаи варзиш дастовард доранд ё хизмати ҳарбиро дар Қувваҳои мусаллаҳи Ҷумҳурии Тоҷикистон пурра адо кардаанд, тағйир ёфт. Тибқи он барои шахсони зикршуда тасдиқи нотариалии нусхаи ҳуҷҷатҳои дахлдор зарур нест, яъне чунин шахсон барои гирифтани имтиёз ҳуҷҷатҳои дахлдорро бо нусхааш бе тасдиқи нотариалӣ пешниҳод менамоянд.

Шахсоне, ки дар ИМД-2017 иштирок кардан мехоҳанд, бояд бо пешниҳоди ҳуҷҷатҳои дахлдори зерин дар яке аз нуқтаҳои бақайдгирӣ сабти ном шаванд:

1) шиноснома ё дигар ҳуҷҷати тасдиқкунандаи шахсият бо сурат, ки мақоми ваколатдори давлатӣ додааст ва нусхаи он;

2) ҳуҷҷат дар бораи зинаи дахлдори таҳсилот ё дар бораи хатмкунандаи муассисаи таълимӣ будани шахс:

– маълумотнома (бо сурат) аз муассисаи таълимии таҳсилоти миёнаи умумӣ дар бораи хатмкунанда будан (барои хатмкунандагони муассисаи таълимии таҳсилоти миёнаи умумӣ – синфи 11-ум);

– маълумотнома (бо сурат) аз муассисаи таълимии таҳсилоти ибтидоии касбӣ дар бораи хатмкунанда будан (барои хатмкунандагони муассисаи таълимии таҳсилоти ибтидоии касбӣ);

– маълумотнома (бо сурат) аз муассисаи таълимии таҳсилоти миёнаи касбӣ дар бораи хатмкунанда будан (барои хатмкунандагони муассисаи таълимии таҳсилоти миёнаи касбӣ);

– аттестат (шаҳодатнома) дар бораи таҳсилоти миёнаи умумӣ ва нусхаи он (барои шахсоне, ки муассисаи таълимии таҳсилоти миёнаи умумӣ – синфи 11-умро хатм кардаанд);

– диплом дар бораи таҳсилоти ибтидоии касбӣ ва нусхаи он (барои шахсоне, ки муассисаи таълимии таҳсилоти ибтидоии касбиро хатм кардаанд);

– диплом дар бораи таҳсилоти миёнаи касбӣ ва нусхаи он (барои шахсоне, ки муассисаи таълимии таҳсилоти миёнаи касбиро хатм кардаанд);

3) расид (квитансия)-и пардохти маблағи хизматрасонӣ дар ИМД аз филиали Бонки давлатии амонатгузории Ҷумҳурии Тоҷикистон “Амонатбонк”;

4) хулосаи Хадамоти давлатии ташхиси тиббию иҷтимоии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар бораи манъ карда нашудани таҳсил барои довталабони маъюби гурӯҳҳои 1‑ум ва 2‑юм ва кӯдаки маъюб тибқи ихтисос(ҳо)-и аз муассиса(ҳо)-и таълимӣ интихобкарда;

5) ҳуҷҷат(ҳо)-и тасдиқкунандаи имтиёзҳо ва нусхаи он(ҳо) (агар дошта бошад), аз ҷумла:

– хулосаи Хадамоти давлатии ташхиси тиббию иҷтимоии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон (маълумотномаи силсиладор) ва нусхаи он дар бораи маъюби гурӯҳи 1-ум ё 2-юм ё кӯдаки маъюб будани довталаб (барои маъюбони гурӯҳи 1-ум ё 2-юм ё кӯдакони маъюб);

– хатти вафоти падар ва модар, шаҳодатнома дар бораи таваллуди довталаб ва нусхаи нотариалӣ тасдиқшудаи ин ҳуҷҷатҳо (барои ятимони кулли то 21-сола);

– маълумотнома дар бораи бепарастор будан, ки бахши оид ба ҳуқуқи кӯдаки мақомоти иҷроияи маҳаллии ҳокимияти давлатии шаҳр ё ноҳияи дахлдор додааст, ҳамчунин қарор (ҳалнома)-и суд дар ин бора ва нусхаи он (барои бепарасторони то 21-сола);

– хатти вафоти падар ё ­модар ва шаҳодатнома да­р бораи таваллуди довталаб ва нусхаи нотариалӣ тасдиқшудаи ин ҳуҷҷатҳо (барои шахсони то 21-солаи­ фарзандони хизматчиё­ни ҳарбие, ки ҳангоми­ иҷрои уҳдадории хизм­ати ҳарбӣ ҳалок гардидаа­нд ё ҳангоми иҷрои уҳдадориҳои хиз­мати ҳарбӣ маъю­б ё бемор шуда, бар асари он фавтидаанд);

– тавсияномаи Вазорати маориф ва илми Ҷумҳурии Тоҷикистон барои ғолибият дар олимпиадаҳои фаннии ҷумҳуриявӣ ё байналмилалӣ (барои шахсоне, ки ҷойи 1‑ум, 2‑юм ё 3‑юмро ишғол намудаанд);

– тавсияномаи Вазорати фарҳанги Ҷумҳурии Тоҷикистон барои ғолибият дар озмун ё фестивалҳои тахассусии ҷумҳуриявӣ ё байналмилалии соҳаи санъат ва фарҳанг (барои шахсоне, ки чунин дастовард доранд);

– шаҳодатнома дар бораи узви дастаи яккачини варзиши Ҷумҳурии Тоҷикистон будан, дорандаи унвони “Устоди варзиши дараҷаи байналмилалии Ҷумҳурии Тоҷикистон”, “Устоди шоистаи варзиши Ҷумҳурии Тоҷикистон”, “Устоди варзиши Ҷумҳурии Тоҷикистон” ё дараҷаи “Номзад ба устоди варзиши Ҷумҳурии Тоҷикистон” ва нусхаи шаҳодатнома (барои шахсоне, ки чунин дастовард доранд);

– билети ҳарбӣ ё шаҳодатномаи муваққатӣ, ки ба ивази билети ҳарбӣ дода шудааст ва нусхаи билети ҳарбӣ ё шаҳодатнома (барои шахсони хизмати ҳарбиро дар Қувваҳои мусаллаҳи Ҷумҳурии Тоҷикистон пурра адокарда).