Нашр шуд: 20 Июни 2016

Диданд: 934

Душанбе, 20-уми июни соли 2016

Маркази миллии тестии назди Президенти Ҷумҳурии Тоҷикистон иттилоъ медиҳад, ки барои шахсоне, ки бо сабаби узрноки бо ҳуҷҷат тасдиқшуда дар давраи бақайдгирии асосӣ (аз 1‑уми март то 30‑юми апрел) аз қайд гузашта натавонистаанд, аз ҷумла шахсоне, ки дар муҳоҷирати меҳнатӣ, таҳсил ё табобат берун аз Ҷумҳурии Тоҷикистон, дар хизмати ҳарбӣ дар Қувваҳои Мусаллаҳи Ҷумҳурии Тоҷикистон қарор доштанд ва мақсади иштирок дар имтиҳонҳои марказонидаи дохилшавиро доранд, бақайдгирии иловагӣ баргузор мегардад.

Нашр шуд: 20 Июни 2016

Диданд: 957

Душанбе, 20-уми июни соли 2016

Довталабоне, ки ихтисосҳои самтҳои санъат, варзиш, дизайн, меъморӣ, ҳайкалтарошӣ ва динии супоридани имтиҳонҳои эҷодӣ ва маҳорати махсус (ИЭММ)-ро талабмекардаро интихоб намудаанд, бояд имтиҳонҳои мазкурро дар муассисаҳои таълимии дахлдори интихобкардаашон супоранд. Ёдовар мешавем, ИЭММ-ро комиссияҳои имтиҳонӣ (фаннӣ)-и муассисаҳои таълимӣ баргузор менамоянд. 

Нашр шуд: 09 Июни 2016

Диданд: 996

Душанбе, 9-уми июни соли 2016

Маркази миллии тестии назди Президенти Ҷумҳурии Тоҷикистон ба диққати он довталабоне, ки мехоҳанд гурӯҳи ихтисосҳо ва (ё) комбинатсияи ихтисосҳояшонро иваз кунанд, мерасонад, ки аз 10-ум то 19-уми июн даври дуюми азнавбақайдгирӣ баргузор мегардад.

Нашр шуд: 30 Майи 2016

Диданд: 1052

Душанбе, 30-юми майи соли 2016

Аз 1-ум то 11-уми июни соли ҷорӣ дар 15 шаҳру ноҳияи интихобшудаи ҷумҳурӣ семинарҳои омӯзишии кормандони муваққатии марказҳои имтиҳонӣ баргузор хоҳад шуд. Курсҳои омӯзишии мазкур дар 20 нуқта тибқи барнома ва модули омӯзишӣ гузаронида мешавад.