Душанбе, 16-уми январи соли 2017
Ба диққати намояндагони васоити ахбори оммаи кишвар расонида мешавад, ки Маркази миллии тестии назди Президенти Ҷумҳурии Тоҷикистон бо мақсади омода намудани таблиғгарон барои иттилоърасонию омӯзонидани низоми имтиҳонҳои марказонидаи дохилшавӣ ба омӯзгорон ва хатмкунандагони муассисаҳои таҳилоти умумии асосӣ, миёнаи умумӣ ва таҳсилоти ибтидоӣ ва миёнаи касбӣ курси омӯзиши низоми ИМД-ро барои соли 2017 дар сатҳи ҷумҳурӣ баргузор мекунад. Курси омӯзиши мазкур барои таблиғгарони шаҳри Душанбе, ноҳияҳои тобеи ҷумҳурӣ, Вилояти Мухтори Кӯҳистони Бадахшон рӯзҳои 17-ум ва 18-уми январи соли ҷорӣ дар шаҳри Душанбе, барои таблиғгарони ноҳияҳои вилояти Хатлон рӯзҳои 20-ум ва 21-уми январ дар шаҳри Қӯрғонтеппа ва барои таблиғгарони шаҳру ноҳияҳои вилояти Суғд 20-ум ва 21-уми январ дар шаҳри Хуҷанд гузаронида мешавад.
Давомнокии курси омӯзиш 9 соат буда, дар шаҳри Душанбе он дар бинои Маркази миллии тестӣ баргузор шуда, кормандони Марказ ба иштирокдорон аз рӯйи дастури иттилоотию методии “Роҳнамои довталаб” ва барнома – модули курси омӯзиши низоми ИМД ба муассисаҳои таълимии таҳсилоти миёна ва олии касбии Ҷумҳурии Тоҷикистон дарс мегузаронанд.
Даври дуюми ин чорабинӣ дар сатҳи шаҳру ноҳияҳои ҷумҳурӣ рӯзҳои 26-ум - 27-уми январ ва дарсҳои омӯзишӣ дар сатҳи муассисаҳои таълимӣ дар давоми моҳи феврали соли 2017 барои хатмкунандагон бо ҷалби падару модарони онҳо (дар шакли дарсҳои омӯзишӣ) баргузор хоҳад шуд.
