Нашр шуд: 01 Июли 2017

Диданд: 857

Душанбе, 1-уми июли соли 2017

Имрӯз барои довталабони гурӯҳи ихтисосҳои 1-ум имтиҳони қисми А оғоз шуд. Дар ин имтиҳон иштироки зиёда аз 14 ҳазор довталаби азқайдгузашта дар назар аст. Дар соли 2017 теъдоди умумии довталабони азқайдгузашта зиёда аз 97 000 довталабро ташкил кардааст.

Имтиҳонҳои даври асосӣ аз 1-ум то 15-уми июли соли ҷорӣ дар 47 маркази имтиҳоние, ки аз тарафи Вазорати маориф ва илми Ҷумҳурии Тоҷикистон тасдиқ шудаст, дар 14 шаҳру ноҳияи интихобӣ баргузор мегарданд. Рӯйхати нишонии марказҳои имтиҳонӣ дар сомонаи расмии Маркази милии тестии назди Президенти Ҷумҳурии Тоҷикистон гузошта шудааст.

Довталабон аз натиҷаи холҳои бадастовардаашон тибқи нақша 25-уми июл огоҳонида мешаванд.

Нашр шуд: 26 Июни 2017

Диданд: 857

 Душанбе, 26-уми июни соли 2017

Ҳамватанони азиз!

Бо эҳсоси шукронаву қаноатмандӣ аз рӯзгори ободу озоди мардуми шарифамон ва фазои орому осоиштаи мамлакатамон ҳамаи шумо ва кулли ҳамватанони бурунмарзиамонро ба муносибати ҷашни бистсолагии ваҳдати миллӣ самимона табрик мегӯям.

Нашр шуд: 15 Июни 2017

Диданд: 763

Душанбе, 15-уми июни соли 2017

Бо назардошти он ки соли 2017 таҷлили идҳои Рамазон ва Рӯзи Ваҳдати миллӣ ба 26 ва 27-уми июн рост меояд, муҳлати гузаронидани машварат ва имтиҳонҳои эҷодӣ ва маҳорати махсус дар муассисаҳои таҳсилоти миёна ва олии касбӣ то 09-уми июл тамдид карда шуд.

Нашр шуд: 05 Июни 2017

Диданд: 723

Душанбе, 5-уми июни соли 2017

Ба таваҷҷуҳи довталабон мерасонем, ки баъд аз ҷамъбасти марҳалаи асосии бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ дар соли 2017 ҷадвали баргузории имтиҳонҳо – қисмҳои А (имтиҳони умумӣ), Б (имтиҳони ихтисос) ва В (имтиҳонҳои эҷодӣ ва маҳорати махсус) муқаррар гардид.