Душанбе, 25-уми феврали соли 2019
Ба диққати шахсоне, ки аз маҷмӯаҳои саволу масъалаҳои тести аз ҷониби Марказ дар соли 2019 нашршуда истифода карда истодаанд, расонида мешавад, ки ҷавобҳои дуруст (калидҳо)-и саволу масъалаҳои ҳар яке аз маҷмӯаҳо дар сомонаи Марказ (http://ntc.tj/tj/ba-dovtalab/namunai-test/789-namunai-savolu-masalahoi-test2019.html) ҷойгир карда шудаанд.
Хотиррасон мекунем, маҷмӯаҳои мазкур, ки дар шакли чопӣ ба муассисаҳои таълимии таҳсилоти миёнаи умумӣ, ибтидоӣ ва миёнаи касбӣ ройгон дастрас гардонида шудааст, соли ҷорӣ бе ҷавоб нашр гардида буданд. Инчунин, имсол дар ҳар яке аз субтестҳои қисми А (имтиҳони умумӣ) ва Б (имтиҳони ихтисос)‑и имтиҳонҳои марказонидаи дохилшавӣ то 40 %‑и саволу масъалаҳо аз ҳамин маҷмӯаҳо такроран истифода карда мешаванд.
Аз ин лиҳоз, ба ҳамаи шахсоне, ки соли 2019 дар имтиҳонҳои марказонидаи дохилшавӣ иштирок кардан мехоҳанд, тавсия медиҳем, ки аз маҷмӯаҳои электронӣ ва ҷавобҳои дуруст (калидҳо)-и дар сомонаи Марказ ҷойгиршуда ё варианти чопшудаи он, ки ба муассисаҳои таълимӣ тақсимот карда шудааст, истифода кунанд.
