Душанбе, 9-уми апрели соли 2019

Маркази миллии тестии назди

Президенти Ҷумҳурии Тоҷикистон

ЭЪЛОНИ

озмун барои интихоби маъмури калон ва маъмури имтиҳони маркази имтиҳонӣ

Мансаб: маъмури калони маркази имтиҳонӣ (400 ҷой);

маъмури имтиҳони маркази имтиҳонӣ (1600 ҷой).

Муддати кор: 15 рӯз (аз 29-уми июн то 13-уми июл бо имкони тамдид).

Макони иҷрои вазифа: ш. Душанбе – 640 нафар, н. Рашт – 40 нафар, ш. Хуҷанд – 200 нафар, ш. Истаравшан – 80 нафар, ш. Конибодом – 80 нафар, ш. Панҷакент – 40 нафар, н. Б. Ғафуров – 80 нафар, ш. Бохтар – 240 нафар, ш. Кӯлоб – 200 нафар, н. Восеъ – 80 нафар, н. Данғара – 80 нафар, н. Кӯшониён – 40 нафар, н. Ҷ. Балхӣ – 80 нафар, н. Шаҳритус – 80 нафар, ш. Хоруғ – 40 нафар.

Маркази миллии тестии назди Президенти Ҷумҳурии Тоҷикистон (Марказ) бо мақсади ташкил ва баргузории имтиҳонҳои марказонидаи дохилшавӣ (ИМД) дар вилоят ва шаҳру ноҳияҳои ҷумҳурӣ марказҳои имтиҳонӣ таъсис медиҳад. Барои идораи раванди имтиҳон дар марказҳои имтиҳонӣ кормандони муваққатӣ ҷалб ва омӯзонида мешаванд. Бо ин мақсад Марказ барои интихоби маъмур ва маъмурони калони марказҳои имтиҳонӣ озмун эълон менамояд. Кормандони интихобгардида барои ташкил ва идораи раванди имтиҳон дар марказҳои имтиҳонӣ масъул мегарданд.

Вазифаҳои асосӣ:

- омода намудани маркази имтиҳонӣ барои баргузории ИМД;

- иштироки фаъолона дар ташкил ва гузаронидани ИМД;

- назорати воридшавии довталабон ба маркази имтиҳонӣ ва ташкилу баргузории имтиҳонҳо дар дохили синфхона тибқи тартиби муқарраргардида;

- пешниҳоди ҳисоботи ҳаррӯза ва ҷамъбастӣ ба роҳбари маркази имтиҳонӣ.

Талаботи тахассусӣ:

- маълумоти олӣ, олии нопурра ё миёнаи касбӣ;

- собиқаи педагогии на камтар аз 2 сол (ба ҷавонон бартарӣ дода мешавад);

- малакаи зарурии кор дар ташкил ва баргузории имтиҳонҳо;

- маҳорати хуби муошират;

- малакаи озодона суҳбат намудан бо забони тоҷикӣ ва ё русӣ.

Интихоби маъмури калони маркази имтиҳонӣ ва маъмури имтиҳони маркази имтиҳонӣ дар асоси озмун ба роҳ монда мешавад. Пешниҳоди ҳуҷҷатҳо барои иштирок дар озмун дар ҳолати бархат (онлайн) сурат мегирад. Хоҳишмандон бояд бо нишонии http://vacancy.ntc.tj/ ба саҳифаи пешниҳоди ҳуҷҷатҳо гузашта, маълумотварақаро, ки дар он дастрас аст, бо забони тоҷикӣ пур кунанд. Сипас бо замимаи нусхаи рангаи шиноснома (бо нишон додани ҷойи зист), нусхаи варақаҳои рақами мушаххаси андозсупоранда, рақами инфиродии суғуртавӣ ва билети ҳарбӣ (агар дошта бошанд) дархостро фиристонанд. Нусхаи ҳуҷҷатҳои бесифат пешниҳодшуда, ки равшану хоно нестанд, ба эътибор гирифта намешаванд.

Муҳлати охирини пешниҳоди ҳуҷҷатҳо барои иштирок дар озмун: 28-уми апрели соли 2019, то соати 17:00.

Нишонӣ:

734003, ш. Душанбе, хиёбони Рӯдакӣ, 192.

Телефон: (+992 37) 224 53 67, 224 53 68.

Шахси мутасаддӣ: Г. Давлатова.