Нашр шуд: 22 Апрели 2013

Диданд: 867

Душанбе, 22 апрел бо ибтикори Шуъбаи ташкилоти байналмилалии Институти «Ҷамъияти кушода» – Бунёди мадад дар Тоҷикистон дар ҳамкорӣ бо Вазорати маорифи Ҷумҳурии Тоҷикистон 20 апрели соли 2013 дар маркази “Вефа”-и шаҳри Душанбе ярмаркаи солонаи таҳсилотии 2013 доир гардид. Дар чорчӯбаи ярмаркаи солонаи таҳсилотӣ намояндагони ташкилоти таҳсилотӣ ва миссияҳои дипломатии муқими Тоҷикистон иштирок намуда, дар бораи системаи таълим дар хориҷа, тартиби тайёр кардани маҷмӯи ҳуҷҷатҳо ва супурдани тестҳо барои таҳсил дар хориҷа, инчунин дар бораи шартҳои гирифтани кӯмаки молиявӣ лексияҳои машваратӣ гузарониданд. Хоҳишмандон оид ба барномаҳои дилхоҳашон бевосита дар ярмарка саволномаю брошюраҳо пайдо намуданд. Бори аввал Маркази миллии тестӣ (ММТ) дар ярмаркаи таҳсилотӣ иштирок намуда, мақсад, вазифа ва фаъолияти худро муаррифӣ намуд. Дар ярмарка аз тарафи ММТ маводҳои омодакарда барои иштирокчиён пешниҳод гардид. Иштирокчиёни ярмарка ба намояндагони ММТ, саволҳои зиёд дода, ба саволҳои худ ҷавобҳои мушаххас гирифтанд.

Муфассал...

Нашр шуд: 22 Апрели 2013

Диданд: 1195

Душанбе, 22 апрел ҳафтаи якуми бақайдгирии хоҳишмандон барои иштирок дар Озмоиши калони низоми имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон ба анҷом расид.

Мутобиқи маълумотҳои омории шуъбаи идора ва қабули тести Маркази миллии тестӣ (ММТ) дар давоми ҳафтаи якуми давраи бақайдгирӣ дар 7 нуқтаи бақайдгирӣ, ки аз тарафи ММТ дар чор минтақаи ҷумҳурӣ: шаҳрҳои Душанбе, Қӯрғонтеппа, Хуҷанд, ва Хоруғ таъсис дода шудааст, зиёда аз 3638 нафар хоҳишмандон аз қайд гузаштанд. Лозим ба тазаккур аст, ки шумораи зикргардида 61 фоизи шумораи умумии иштирокчиёни банақшагирифтаро ташкил медиҳад. Шумораи зиёди хоҳишмандон дар нуқтаҳои бақайдгирии шаҳри Қӯрғонтеппа ба қайд гирифта шудааст. Хоҳишмандон таваҷҷуҳи зиёд ба тахассусҳои кластери 5 (тиббӣ, биологӣ ва варзиш) дода истодаанд.

Муфассал...

Нашр шуд: 19 Апрели 2013

Диданд: 1392

Дар давоми 3 рӯзи бақайдгирӣ зиёда аз 1827 нафар хоҳишмандон барои иштирок дар Озмоиши калони низоми имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон дар 7 нуқтаи бақайдгирӣ, ки аз тарафи Муассисаи давлатии “Маркази миллии тестӣ” дар чор минтақаи ҷумҳурӣ: шаҳрҳои Душанбе, Қӯрғонтеппа, Хуҷанд, ва Хоруғ таъсис дода шудааст, аз қайд гузаштанд. Лозим ба тазаккур аст, ки шумораи зикргардида 30 фоизи шумораи умумии иштирокчиёни банақшагирифтаро ташкил медиҳад. Шумораи зиёди хоҳишмандон дар ду нуқтаи бақайдгирӣ, ки дар шаҳри Қӯрғонтеппа таъсис дода шудааст, ба қайд гирифта шудааст. Таваҷҷуҳи зиёди хоҳишмандон ба тахассусҳои кластери 5 (тиббӣ, биологӣ ва варзиш) мушоҳида карда мешавад.

Муфассал...

Нашр шуд: 01 Апрели 2013

Диданд: 878

Озмоиши калони низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Ҷумҳурии Тоҷикистон

Даъвати хонандагони синфҳои 10 барои иштирок дар озмоиши калон  

Аз соли 2014 сар карда дар Ҷумҳурии Тоҷикистон низоми нави имтиҳонҳои марказонидашудаи дохилшавӣ (ИМД) ба муассисаҳои таҳсилоти олии касбӣ (МТОК)-и Ҷумҳурии Тоҷикистон амалӣ карда мешавад.

Маркази миллии тестӣ (ММТ) бо мақсади иҷрои вазифаҳои оинномавии худ (ки бо Қарори Ҳукумати Ҷумҳурии Тоҷикистон аз 27.01.2010 № 17 тасдиқ гардидааст) дар ҳамкорӣ бо Бонки Ҷаҳонӣ, Барномаи ҳамкории рушди таҳсилоти Федератсияи Россия ва Шуъбаи ташкилоти байналмилалии Институти “Ҷамъияти кушода” – Бунёди мадад дар Тоҷикистон лоиҳаи модели низоми нави ИМД ба МТОК-и Ҷумҳурии Тоҷикистонро таҳия намуд, ки аз ҷониби Вазорати маорифи Ҷумҳурии Тоҷикистон дастгирӣ ёфт.

Муфассал...