Душанбе, 18-уми апрели соли 2018
Кормандони Маркази миллии тестии назди Президенти Ҷумҳурии Тоҷикистон баррасӣ, арзёбӣ ва азназаргузаронию санҷиши муассисаҳои таълимии дар заминаи онҳо марказҳои имтиҳонӣ ташкилшавандаро дар шаҳру ноҳияҳои ҷумҳурӣ оғоз карданд.
Барои интихоби муассисаҳои таълимӣ Марказ гурӯҳи кориро таъсис додааст, ки ҳайати он аз 14 нафар иборат аст. Аъзои гурӯҳи корӣ тибқи тартиби муқарраргардида бояд аз 17-ум то 19-уми апрел шароит ва ҳолати бо таҷҳизоти зарурии техникӣ таъмин будани муассисаҳои таълимии пешниҳодшударо дар шаҳру ноҳияҳои дахлдори ҷумҳурӣ аз назар гузаронад ва ба талабот ҷавобгӯй будан ё набудани онҳоро санҷад.
Инчунин, аъзои гурӯҳи корӣ вазифадор гардидааст, ки мониторинги раванди бақайдгирии довталабонро дар шаҳру ноҳияҳои дахлдор ба роҳ монда, бо хатмкунандагони муассисаҳои таълимӣ вохӯрӣ барпо намояд.
