Душанбе, 10-уми апрели соли 2018

Маркази миллии тестии назди

Президенти Ҷумҳурии Тоҷикистон

ЭЪЛОНИ

озмун барои интихоби тренерон

Мансаб: тренер (33 ҷой).

Муддати кор: 15 (понздаҳ) рӯз – аз 28-уми май то 13-уми июн бо имкони тамдид.

Макони иҷрои вазифа: ш. Душанбе – 10 нафар, н. Рашт – 1 нафар, ш. Хуҷанд – 4 нафар, ш. Истаравшан – 1 нафар, ш. Конибодом – 1 нафар, ш. Панҷакент – 1 нафар, н. Б. Ғафуров – 1 нафар, ш. Бохтар – 4 нафар, ш. Кӯлоб – 4 нафар, н. Восеъ – 1 нафар, н. Данғара – 1 нафар, н. Кӯшониён – 1 нафар, н. Ҷ. Балхӣ – 1 нафар, н. Шаҳритус – 1 нафар, ш. Хоруғ – 1 нафар.

Маркази миллии тестии назди Президенти Ҷумҳурии Тоҷикистон (Марказ) бо мақсади ташкил ва баргузории имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) дар вилоят ва шаҳру ноҳияҳои ҷумҳурӣ марказҳои имтиҳонӣ таъсис медиҳад. Барои идораи раванди имтиҳон дар марказҳои имтиҳонӣ кормандони муваққатӣ ҷалб ва омӯзонида мешаванд. Ҷиҳати омӯзонидани кормандони марказҳои имтиҳонӣ Марказ барои интихоби тренерон озмун эълон менамояд. Кормандони интихобгардида барои ташкил ва баргузор намудани семинарҳои омӯзишии кормандони марказҳои имтиҳонӣ масъул мегарданд.

Вазифаҳои асосӣ:

- омода намудани макони баргузории семинарҳои омӯзишӣ;

- ташкил ва баргузор намудани семинарҳои омӯзишии кормандони марказҳои имтиҳонӣ;

- интихоби кормандони марказҳои имтиҳонӣ дар асоси меъёрҳои муқарраркардаи Марказ пас аз омӯзиш;

- супоридани ҳисоботи хаттии ҷамъбастӣ оид ба рафти семинарҳои омӯзишӣ;

- пешниҳод намудани рӯйхати иштирокдорони семинарҳои омӯзишӣ, ки дар асоси озмуни барои ба кори муваққатӣ ҷалб шудан интихоб шудаанд.

Талаботи тахассусӣ:

- маълумоти олӣ;

- собиқаи омӯзгории на камтар аз 5 сол;

- таҷрибаи кори ташкилотчигӣ: ташкили чорабиниҳои васеъ бо иштироки шумораи зиёди иштирокдорон;

- малакаи зарурии кор дар ташкил ва баргузории семинарҳои омӯзишӣ;

- қобилияти муошират бо ҷомеа;

- озодона суҳбат намудан бо забонҳои тоҷикӣ ва русӣ.

Интихоби тренерон ба воситаи озмун ба роҳ монда мешавад. Шахсоне, ки дар озмун иштирок кардан мехоҳанд, маълумотварақаро аз сомонаи Марказ дастрас карда, бо забони тоҷикӣ пур кунанд. Сипас нусхаҳои маълумотварақаи пуркардашуда, шиноснома (нусхаи ранга бо нишон додани ҷойи зист), рақами мушаххаси андозсупоранда, рақами инфиродии суғуртавӣ ва билети ҳарбиро (агар дошта бошад) ба ариза замима карда, онҳоро тавассути почтаи электронӣ (бо нишонии Этот адрес электронной почты защищен от спам-ботов. У вас должен быть включен JavaScript для просмотра.) ба Марказ ирсол намоянд.

Муҳлати ниҳоии пешниҳоди дархост барои иштирок: 20-уми апрели соли 2018, то соати 17:00.

Маълумот барои тамос:

734003, ш. Душанбе, хиёбони Рӯдакӣ, 192.

Телефон: (+992 37) 224 53 67, 224 53 68.

Факс: (+992 37) 224 53 66.

Нишонии электронӣ: Этот адрес электронной почты защищен от спам-ботов. У вас должен быть включен JavaScript для просмотра.

Шахси мутасаддӣ: Г. Давлатова.