Душанбе, 19-уми апрели соли 2018

Маркази миллии тестии назди Президенти Ҷумҳурии Тоҷикистон бинобар ворид гардидани кори хаттӣ (эссе) – ҳамчун ҷузъи имтиҳон ба низоми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон барои ҷалби омӯзгорони фанҳои забон ва адабиёти тоҷик – чун тафтишкунандагони корҳои хаттии довталабон озмун эълон менамояд.

Барои тафтиши корҳои хаттии довталабон ҳамагӣ 260 нафар омӯзгор ба кор ҷалб карда мешаванд, аз ҷумла, аз шаҳри Душанбе ва шаҳру ноҳияҳои тобеи ҷумҳурӣ – 155 нафар, шаҳри Бохтар – 30 нафар, шаҳри Кӯлоб – 20 нафар, вилояти Суғд – 50 нафар ва Вилояти Мухтори Кӯҳистони Бадахшон – 5 нафар.

Талаботи тахассусӣ нисбат ба тафтишкунандагони кори хаттӣ (эссе): 

1) таҳсилоти олии касбӣ дар соҳаи филология

2) собиқаи 5-солаи корӣ ҳамчун омӯзгори забон ва адабиёти тоҷик ва забони давлатӣ дар муассисаҳои таълимӣ;

3) дониш ва малакаю маҳорати касбӣ барои тафтиши кори хаттӣ;

4) муносибати беғаразона ҳангоми арзёбии корҳои хаттии хонандагон, дарки масъулият дар иҷрои вазифа;

5) риояи қатъии меъёри тасдиқшудаи холгузорӣ ба кори хаттӣ (эссе);

6) кор карда тавонистан дар гурӯҳ ва доштани андешаи шахсӣ дар иҷрои кор;

7) риояи одоби педагогӣ ва талаботи махфияти кор;

8) малакаи таълиму тадриси таҷрибаи бадастомада.

Ба омӯзгороне, ки дар муассисаҳои таълимии таҳсилоти миёнаи умумӣ кор мекунанд ва (ё) бо созмонҳои татбиқкунандаи лоиҳаҳои гуногун оид ба арзёбии дастовардҳои хонандагон ҳамкорӣ кардаанд, бартарӣ дода мешавад.

Барои омода намудани омӯзгорон ба тафтиш ва арзёбии кори хаттии довталабон дар аввали моҳи июни соли равон дар шаҳру ноҳияҳои ҷумҳурӣ вобаста ба гурӯҳи шунавандагон семинари дурӯза ба нақша гирифта шудааст. Тафтиши корҳои хаттӣ дар ИМД-2018 аз 3-юм то 15-уми июл дар шаҳри Душанбе ба роҳ монда мешавад.

Интихоби тафтишкунандагон ба воситаи озмун ба роҳ монда мешавад. Шахсоне, ки дар озмун иштирок кардан мехоҳанд, бояд маълумотварақаро аз сомонаи Марказ дастрас карда, бо забони тоҷикӣ пур кунанд. Сипас нусхаҳои маълумотварақаи пуркардашуда, шиноснома (нусхаи ранга бо нишон додани ҷойи зист), рақами мушаххаси андозсупоранда, рақами инфиродии суғуртавӣ ва билети ҳарбиро (агар дошта бошанд) ба ариза замима карда, онҳоро тавассути почтаи электронӣ (бо нишонии Этот адрес электронной почты защищен от спам-ботов. У вас должен быть включен JavaScript для просмотра.) ба Марказ ирсол намоянд. Нусхаи ҳуҷҷатҳои бесифат – хираю нохоно пешниҳодшуда ба эътибор гирифта намешаванд.

Муҳлати ниҳоии пешниҳоди дархост барои иштирок: 10-уми майи соли 2018, то соати 16:00.

Маълумот барои тамос:

734003, ш. Душанбе, хиёбони Рӯдакӣ, 192.

Телефон: (+992 37) 224 53 67, 224 53 68.

Факс: (+992 37) 224 53 66.

Нишонии электронӣ: Этот адрес электронной почты защищен от спам-ботов. У вас должен быть включен JavaScript для просмотра.

Шахси мутасаддӣ: Г. Давлатова.